JioPhone Next: జియో ఫోన్‌ కొనుగోలుదారులకు గుడ్ న్యూస్‌.. ఇక‌పై ఆఫ్‌లైన్‌లో..!

వినియోగదారులకు జియో శుభవార్త చెప్పింది. చౌకైన 4జీ స్మార్ట్‌ఫోన్‌గా జియోఫోన్ నెక్ట్స్ (JioPhone Next)ను తీసుకొచ్చింది రిలయన్స్ జియో (Reliance Jio). తక్కువ ధరలోనే మంచి స్పెసిఫికేషన్లతో ఈ ఫోన్‌ను గత సంవత్సరం నవంబర్ 4న దీపావళి సందర్భంగా లాంచ్ చేసింది. టెక్ దిగ్గజం గూగుల్ (Google) భాగస్వామ్యంతో ముకేశ్ అంబానీకి చెందిన జియో.. JioPhone Nextను తీసుకొచ్చింది. అయితే ఇంత కాలం ఈ మొబైల్‌ను కొనాలంటే ఆన్‌లైన్‌ ద్వారానే సాధ్యమయ్యేది. లేకపోతే ముందుగా జియో వెబ్‌సైట్‌‌లో రిజిస్టర్ చేసుకొని.. ఆ తర్వాత జియో స్టోర్‌కు వెళ్లి తీసుకోవాల్సి వచ్చేది. అయితే ఇప్పుడు ఈ ప్రాసెస్ ఏదీ లేకుండా JioPhone Nextను కొనుగోలు చేయవచ్చు. 

జియో సంస్థ గతేడాది నవంబర్‌ 4న మార్కెట్‌లోకి జియో ఫోన్‌ నెక్ట్స్ ను విడుదల చేసింది. తొలుత ఈ ఫోన్‌ను ఆన్‌లైన్‌లో కొనుగోలు చేయాల్సి వచ్చింది. ఇందుకోసం కొనుగోలుదారులు ముందస్తుగానే రిజస్ట్రర్‌ చేసుకుంటేనే ఈ బడ్జెట్‌ ఫోన్‌ ను సొంతం చేసుకునే అవకాశం క‌ల్పించింది జియో. అయితే ఇప్పుడు ఇదే ఫోన్‌ను ఆఫ్‌లైన్‌లో కొనుగోలు చేయోచ్చని జియో ప్రతినిధులు తెలిపారు.

జియోఫోన్ నెక్ట్స్ ధరను (JioPhone Next price) రూ.6,499గా నిర్ణయించింది కంపెనీ. అయితే అందరికీ స్మార్ట్​ఫోన్, 4జీ సేవలు అందించే ఉద్దేశంతో దీనిని తీసుకువచ్చిన కారణంగా.. (JioPhone next EMI) రూ.1,999 చెల్లించి ఫోన్​ను సొంతం చేసుకోవచ్చని రిలయన్స్ జియో పేర్కొంది. మిగతా మొత్తాన్ని సులభతర ఈఎంఐలలో చెల్లించొచ్చని వెల్లడించింది. రూ.501 ప్రాసెసింగ్ ఫీజు అదనంగా చెల్లించాల్సి ఉంటుంది. 

ఫోన్‌ ఫీచర్లు ఇవే..!

- 5.45 అంగుళాల హెచ్​డీ డిస్​ప్లే (గొరిల్లా గ్లాస్ ప్రొటెక్షన్), (720 X 1440 )

- స్క్రీన్ గ్లాస్: యాంటీ ఫింగర్‌ ప్రింట్ కోటింగ్

- క్వాల్కమ్​ శ్నాప్​డ్రాగన్​ 215, క్వాడ్​కోర్​ ప్రాసెసర్

- 2 జీబీ ర్యామ్/ 32 జీబీ స్టోరేజ్ (ఎక్స్‌పాండబుల్‌ స్టోరేజ్‌ 512 జీబీ వరకు)

- 8 ఎంపీ సెల్ఫీ కెమెరా, బ్యాక్‌ కెమెరా: 13 ఎంపీ

- 3,500 ఎంఏహెచ్ బ్యాటరీ

- డ్యుయల్ నానో సిమ్

- వైఫై, బ్లూటూత్ కనెక్టివిటీ, వీ4.1, మైక్రో యూఎస్‌బీ, ఆడియో జాక్ స్టాండర్డ్ 3.5 ఎంఎం