వాల్‌మార్ట్ యాజమాన్యంలోని ఇ-కామర్స్ దిగ్గజం ఫ్లిప్‌కార్ట్ రాబోయే పండుగ సీజన్, బిగ్ బిలియన్ డేస్ (బిబిడి) ల కోసం 70,000 కొత్త ఉద్యోగులను నియమించుకోనున్నట్లు ప్రకటించింది. ఇందులో డెలివరీ ఎగ్జిక్యూటివ్‌లు, ప్యాకర్స్, ఇతర వాటితో సహా  సప్లయ్ చైన్ లో ఉద్యోగులను నియమించుకొనుంది.

"బిబిడి కోసం అదనపు ఉద్యోగ అవకాశాలను సృష్టిస్తూ వినియోగదారులకు గొప్ప అనుభవాన్ని అందించే ప్రభావవంతమైన భాగస్వామ్యాన్ని సృష్టించడంపై మేము దృష్టి కేంద్రీకరించాము" అని ఫ్లిప్‌కార్ట్ ఎకార్ట్ అండ్ మార్కెట్ ప్లేస్ సీనియర్ వైస్ ప్రెసిడెంట్ అమితేష్ జా అన్నారు.

"ఉపాధిని సృష్టించడం ద్వారా మా అమ్మకందారులకు వారి వ్యాపారాలను పెంచడానికి వీలు కల్పిస్తూ పరిశ్రమ, ఆర్థిక వ్యవస్థలో వృద్ధిని పెంచడానికి మేము మా వంతు కృషి చేస్తున్నాము. ” అని కూడా అన్నారు.

also read టెలివిజన్ల ధరలు పెరగనున్నాయా.. రాయితీని పొడిగించకపోతే తప్పదంటున్న కంపెనీలు.. ...

బిగ్ బిలియన్ డేస్ కి  పెట్టుబడి సామర్థ్యం, ​​స్టోరేజ్, ప్యాకేజింగ్, మానవ వనరులు, శిక్షణ, డెలివరీ వంటివి కావాల్సి ఉంటుంది. ఫ్లిప్‌కార్ట్  డిజిటల్ శిక్షణల ద్వారా సప్లయ్ చైన్ నిర్వహణ యొక్క వివిధ అంశాలపై ప్రత్యక్ష నియామకాల కోసం శిక్షణా కార్యక్రమాలను నిర్వహిస్తోంది.  

వీటిలో కస్టమర్ సేవ, డెలివరీ, ఇన్‌స్టాలేషన్, భద్రత, శానిటైజేషన్ చర్యలు, హ్యాండ్‌హెల్డ్ పరికరాలు, పి‌ఓ‌ఎస్ మెషీన్లు, స్కానర్లు, వివిధ మొబైల్ అనువర్తనాలు, ఎంటర్ప్రైజ్ రిసోర్స్ ప్లానింగ్‌ ఉన్నాయి.

సూక్ష్మ, చిన్న - మధ్యతరహా సంస్థలు, చేతివృత్తులవారికి, ఫ్లిప్‌కార్ట్ వేర్ హౌస్ నిర్వహణ, ప్యాకేజింగ్‌లో ప్రత్యేక శిక్షణను అందిస్తుంది. కేంద్ర ప్రభుత్వ జాతీయ నైపుణ్య అభివృద్ధి మిషన్‌ను అనుసరించి నియామకం ఉంటుంది. అమెజాన్ సంస్థ గత కొన్ని సంవత్సరాలుగా సప్లయ్ చైన్  ద్వారా లక్షలాది స్థానిక ఉద్యోగ అవకాశాలను సృష్టించినట్లు తెలిపింది.