హైదరాబాద్ కేంద్రంగా హెచ్ 1 బీ వీసా స్కాం వెలుగుచూసింది. అమెరికాలో ఈ ఘరానా మోసం బయటపడింది. బెంచ్ అండ్ స్విచ్ తరహా మోసానికి పాల్పడింది టెక్ కంపెనీ. టెక్సాస్‌లోని హోస్టన్ కోర్టులో ఈ మేరకు క్లౌడ్‌జెన్ కంపెనీ నేరాన్ని అంగీకరించింది. థర్డ్ పార్టీ కోసం పని వుందంటూ ఉద్యోగులకు బోగస్ కాంట్రాక్టులు ఇచ్చినట్లుగా దర్యాప్తులో తేలింది. కాంట్రాక్ట్ ఆధారంగా హెచ్ 1 బీ వీసాలు జారీ చేశారు.

అమెరికా చేరుకున్న తర్వాత ఉద్యోగులకు పనివెతికే ప్రయత్నం చేసినట్లుగా తేలింది. అనంతరం అడిగిన కంపెనీకి హెచ్ 1 బీ వీసా కలిగిన ఉద్యోగులను సరఫరా చేసేవారు. కమీషన్ల రూపంలో 2013-2020 మధ్య 5 లక్షల డాలర్లు వసూలు చేసినట్లుగా పోలీసుల దర్యాప్తులో తేలింది. క్లౌడ్‌జెన్ సంస్థ ప్రెసిడెంట్‌గా శశి పల్లెంపాటి, వైస్ ప్రెసిడెంట్‌గా జోమోన్ చక్కలక్కళ్. హైదరాబాద్ గచ్చిబౌలి, కెనడా, రొమేనియా దేశాల్లో కార్యాలయాలు వున్నాయి. కుంభకోణం నేపథ్యంలో గచ్చిబౌలిలోని క్లౌడ్‌జెన్ కార్యాలయాన్ని మూసివేశారు.