అమెరికాలో జరిగిన రోడ్డు ప్రమాదంలో భారతీయ వైద్యుడు, ఆయన రెండేళ్ల చిన్నారి దుర్మరణం పాలయ్యారు. వివరాల్లోకి వెళితే.. కర్ణాటకలోని బీదర్ జిల్లా భాల్కి తాలుకా కొంగళ్లికి చెందిన ముఖేశ్ అమెరికాలోని ఉత్తర కరోలినాలో ఐటీ ఇంజనీర్‌గా పని చేస్తున్నాడు.

ఈ క్రమంలో శుక్రవారం తన భార్య మౌనిక, కుమార్తె దివిజాలతో కారులో వెళుతున్నారు. ముఖేశ్ శివాజీవార దేశ్‌ముఖ్ కారును డ్రైవ్ చేస్తుండగా... వారు వెనుక కూర్చొన్నారు. ఈ సమయంలో కారు అదుపుతప్పి ఓ ట్రక్‌ను ఢీకొట్టడంతో తండ్రీ కుమార్తెలు ఇద్దరూ అక్కడికక్కడే మరణించగా.. మౌనిక పరిస్ధితి విషమంగా ఉంది.

మృతదేహాలను త్వరగా స్వదేశానికి తీసుకొచ్చే విషయమై భారత రాయబార కార్యాలయంతో బీదర్ ఎంపీ భగవంత్ ఖోబా సంప్రదింపులు జరిపారు.