వచ్చే ఏడాది చివరికల్లా మైక్రోసాఫ్ట్ ఫోల్డబుల్ స్మార్ట్ ఫోన్!
మైక్రోసాఫ్ట్ వచ్చే ఏడాది స్మార్ట్ఫోన్ ను మార్కెట్లోకి విడుదల చేయాలని భావిస్తోంది. ఈ మేరకు ప్రస్తుతం మార్కెట్లో ఉన్న ఫోన్లకు ధీటుగా ఫీచర్లను తీసుకురానుంది
 )
Follow
న్యూఢిల్లీ: స్మార్ట్ఫోన్ ప్రపంచంలోకి వచ్చే ఏడాది సర్ఫేస్ సిరీస్తో డబుల్ స్క్రీన్ ఫోల్డబుల్ ఫోన్లు తీసుకురానున్నట్లు ప్రకటించింది. దిగ్గజ టెక్ సంస్థ మైక్రోసాప్ట్. సరికొత్త ల్యాప్టాప్లు, ట్యాబ్లు, వైర్లెస్ ఇయర్బడ్స్ను అమెరికా న్యూయార్క్లో ఆవిష్కరించిన మైక్రోసాఫ్ట్ తాజాగా ఫోల్డబుల్ ఫోన్ తేనున్నట్లు ప్రకటించింది.
మెక్రోసాఫ్ట్ నుంచి రెండు స్క్రీన్ల ఫోల్డబుల్ స్మార్ట్ఫోన్లను తీసుకొస్తున్నట్లు తెలిపింది. సర్ఫేస్ డ్యుయో, సర్ఫేస్ నియో పేరుతో వచ్చే ఏడాది చివరికి ఇవి అందుబాటులోకి వస్తాయని మైక్రోసాఫ్ట్ అధికారులు చెప్పారు.
ఫోల్డ్ చేసినప్పుడు ఫోన్ల పరిమాణం 5.6 అంగుళాలు. తెరిచినప్పుడు 8.3 అంగుళాలకు పెరుగుతుంది. ఈ డబుల్ స్క్రీన్ ఫోన్లో ఒకేసారి రెండు యాప్లను ఓపెన్ చేయవచ్చు. లేదా ఒకే యాప్నూ వాడవచ్చు. ఆ సమయంలో మరో స్క్రీన్ కీబోర్డ్గా పనిచేస్తుంది. ఇటీవలే గేలాక్సీ సిరీస్తో మడత ఫోన్లను విడుదల చేసింది మొబైల్ దిగ్గజ సంస్థ శామ్‌సంగ్.
ఇప్పుడు వీటికి పోటీగా రెండు తెరల మడత ఫోన్తో రాబోతోంది మైక్రోసాప్ట్. గతంలో మైక్రోసాఫ్ట్ నుంచి వచ్చిన స్మార్ట్ ఫోన్లలో విండోస్ ఆపరేటింగ్ సిస్టమ్ను వినియోగించారు. కొత్తగా రూపొందిస్తున్న డబుల్ స్క్నీన్ల ఫోన్లలో ఆండ్రాయిడ్ ఆపరేటింగ్ సిస్టమ్ను ఉపయోగిస్తున్నారు.
వినియోగదారులకు అత్యాధునిక సదుపాయలతో అత్యున్నత సాంకేతిక విలువలు గల డివైస్లను అందుబాటులోకి తేవడమే సంస్థ లక్ష్యమని మైక్రోసాఫ్ట్ సీఈఓ సత్య నాదెళ్ల తెలిపారు. సర్ఫేస్ సిరీస్ నుంచి కొత్త మోడల్స్ఈ కార్యక్రమంలో సర్ఫేస్ సిరీస్ నుంచి మార్కెట్లోకి సరికొత్త ల్యాప్టాప్లు, ట్యాబ్లు, కంప్యూటర్లను విడుదల చేసింది మైక్రోసాఫ్ట్.
ఆపిల్, అమెజాన్, గూగుల్కు పోటీగా వైర్లెస్ ఇయర్ బడ్స్ను తెచ్చింది. వీటి ప్రారంభ ధర 249 డాలర్లుగా నిర్ణయించారు. గూగుల్ సర్ఫేస్ ల్యాప్టాప్ -3 13 అంగుళాలు, 15 అంగుళాల వేరియెంట్లతో అందుబాటులో ఉంది.
వీటి ధర 999 డాలర్లు, 1199 డాలర్లు. సర్ఫేస్ ప్రొ 7, సర్ఫేస్ ప్రొ ఎక్స్ ల్యాప్టాప్లను అత్యాధునిక ఫీచర్స్తో మొబైల్ ఫోన్ అనుభూతి పొందేలా రూపొందించారు. ప్రొ7 ధర 749 డాలర్లు. ప్రొ-ఎక్స్ ధర 999డాలర్లుగా నిర్ణయించారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
