ప్రపంచ శాంతి దినోత్సవం: మనమూ శాంతి గంటను మోగిద్దాం
ఈ రోజు ప్రపంచ శాంతి దినోత్సవం. ఈ సందర్భాన్ని పురస్కరించుకుని నస్రీన్ ఖాన్ అనే కవయిత్రి ప్రపంచ శాంతిని కాంక్షిస్తూ ఓ తెలుగు కవిత రాశారు. ఆ కవితను చదవండి.
 )
Followపచ్చికబయళ్ళలో
కుందేటి గంతులిచ్చే సంతోషాన్ని
మందిరాలపైనో
బంగళాల పైనో
రెక్కలల్లాడిస్తూ ఎగిరే కపోతాలు
ఇచ్చే సందేశాన్ని
శత్రువంటూ ఎక్కు పెట్టిన
ఏ మారణాయుధాలూ ఇవ్వవు
ప్రపంచమంతా
శాంతి మంత్రం జపించే ఈ తరుణాన
తోటి రాష్ట్రమే పచ్చి గాయాలతో
రక్తమోడుతోందిప్పుడు
పేరుకే భూతల స్వర్గమనే కీర్తి
నిత్యం అగ్ని గుండంలా భయోత్పాతమే అక్కడ
హిమ గిరుల మాటున అశాంతి తాండవిస్తోంది
పచ్చటి మైదానాలు కుంకుమ పువ్వులై రగిలిపోతున్నాయి
ఆరు బయట తూనీగలై
విహరించే పసిపాపలు
ఏ మందిరంలోనో
అత్యాచారాంతమై పోతారు
అలజడులకే అలవాటైన జిందగీలు
ప్రశాంతత రుచి ఎరుగరు
చీకటి నిండిన గుండెలు
వేకువనిచ్చే సూరీడుకై కాచుక్కూర్చున్నాయ్
ఆధిపత్యమే ఆకలిని జయించింది
ప్రపంచ శాంతి ఇప్పుడు నీటి మీది రాత అయింది
ఓ ప్రపంచమా...
ఓ సారిటు చూడు
శాంతి గంటలు మాకు కావాలి
కులం మతం అని వినిపించిన
ప్రతిసారీ మోగిస్తాం
నిరాయుధీకరణకై
నిత్యం మోగిస్తాం
- నస్రీన్ ఖాన్
కవితలు, కథలు, సాహితీ విమర్శనా వ్యాసాలు, పుస్తక సమీక్షలు పంపించాల్సిందిగా కోరుతున్నాం. వాటిని వీలు వెంబడి ఇక్కడ ప్రచురిస్తాం. సాహితీవేత్తలు ఈ విభాగాన్ని వాడుకోవడానికి వీలు కల్పిస్తూ తమ రచనలను ఈమెయిల్ ద్వారా పంపించాలని కోరుతున్నాం. మీ ఫోటో పంపించడం మరిచిపోకండి. email: pratapreddy@asianetnews.in
మరిన్ని కవితలు
తెలుగు కవిత: పార్టి జెండాలు - కండువాలు
దాసరి మోహన్ తెలుగు కవిత: అలసి పోతున్నాను...
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
