ప్రాణం వాసన .. సమాజపు చైతన్య సువాసన..
సమాజంలో మార్పు కోసం శ్రీమతి రమాదేవి బాలబోయిన గారు రచించిన *"ప్రాణం వాసన* "అనే పుస్తకం ఎంతగానో సహకరిస్తుంది అనడంలో ఎటువంటి సందేహం లేదు.
 )
Followనేడు మనిషి అన్ని రంగాలలో అభివృద్ధి పథంలో సాగుతున్నాడు, కానీ నేటి సమాజంలో మానవీయ విలువలు ,ఆత్మీయత కనుమరుగవుతోంది అనడంలో ఎటువంటి సందేహం లేదు,
కుటుంబ వ్యవస్థ చిన్నాభిన్నమై బంధాలు , అనుబంధాలు పూర్తిగా దెబ్బతిని కుటుంబ. వ్యవస్థ నేడు అట్టడుగు స్థాయికి చేరింది.ఈ విపత్కర పరిస్థితి ని మార్చగ లిగేది మనుషుల్లో చైతన్యం తెచ్చేది సాహిత్యం మాత్రమే అని చెప్పవచ్చు.
సమాజంలో మార్పు కోసం తపించే రచయితల అక్షరాలు అవినీతిని అంతం చేసే బాణాలుగా ఉండాలి ..శిథిలావస్థకు చేరిన మానవ విలువలకు సంజీవనిలా ఉండాలి , అరాచకాన్ని అన్యాయాన్ని నిగ్గదీసి ప్రశ్నించేవిగా ఉండాలి, చివరకు ఆ రచన ముఖ్య ఉద్దేశ్యం ఏదో ఒక రూపంలో సమాజంలో చైతన్యం తీసుకువచ్చి అంతరించిపోతున్న అనుబంధాలను ఆత్మీయ పరిమళాల వాసనను రేపటి తరాల వారికి అందించేదిగా ఉండాలి.ఇలా
సమాజంలో మార్పు కోసం శ్రీమతి రమాదేవి బాలబోయిన గారు రచించిన *"ప్రాణం వాసన* "అనే పుస్తకం ఎంతగానో సహకరిస్తుంది అనడంలో ఎటువంటి సందేహం లేదు.
ప్రాణం వాసన అనే కవితా సంపుటిలో 69 కవితలు ఉన్నాయి, ఇందులో ప్రతి కవిత దేనికదే ప్రత్యేకం, ప్రతి కవితలోనూ మానవీయకోణం సమాజహితం దాగి ఉన్నాయి..విధ్యార్ధులకుమనోధైర్యాన్నిచ్చేవిగా,నిరుద్యోగుల ఆత్వస్త్తైర్యాన్నిచ్చేవిగా..రైతులకు అండగానిలిచేవిగా ఉండాలనే మన బాధ్యతను గుర్తు చేస్తూ వ్యక్తిత్వ వికాసాన్ని మానవీయ విలువలు పంచాయి రమాదేవి గారి కవితలు.
తెలంగాణ మాండలికంలో కవితలు రాయడం అదీ సరళంగా అందరికీ అర్థమయ్యే విధంగా భావవ్యక్తీకరణ జరగడంతో శ్రీమతి రమాదేవి గారి కవిత్వం చరిత్రలో మహాకవుల సరసన నిలుస్తుంది అనడంలో అతిశయోక్తి లేదు.
రమాదేవి గారు ఉపాధ్యాయ వృత్తిలో ఉంటూ విధి నిర్వహణ లో ఎంతో మంది పిల్లలను ఆదర్శంగా తీర్చిదిద్దుతూ.. ప్రవృత్తి గా రచనలు చేయడంతో వారు సమాజాన్ని కవితలతో చైతన్యవంతం చేస్తూ సాంత్వన ఫౌండేషన్ ద్వారా సమాజ సేవ చేస్తున్నారు.. తాను ఆదర్శాలు చెప్పడం కాదు ఆచరించి చూపే ఆదర్శ వ్యక్తిత్వం గలవారు.
ప్రాణం వాసన లోని కొన్ని కవితలు పరిశీలించి చూస్తే వాటి గొప్పతనం మనకు అర్థము అవుతుంది, కవితా శీర్షికలు కూడా చాలా వైవిధ్యంగా ఉన్నాయి
ఉదాహరణకు ...మనుగడ కోసం పోరాటం,
ప్రాణం వాసన,
యాదికున్నదా బిడ్డా..!,
ఆమె ఉలిక్కిపడింది, నే"బాల"నోయి,బతుకు రంగోలి
ముట్టుకోకు ,అన్వేషిత,
మనసు లేని లోకం చెవులకు కళ్ళున్నాయా..!
మొదలైన ఎన్నో కవితల శీర్షికలు అద్భుతంగా వైవిధ్యభరితంగా ఉన్నాయి.
ప్రతి కవిత దేనికదే ప్రత్యేకంగా అందమైన కవితల పూలగుత్తి లాగా కనిపిస్తోంది రమాదేవి గారి *ప్రాణం వాసన* కవితా సంపుటి.
అందులో *ప్రాణం వాసన* అనే కవితలో
" *గీ దునియాల*
*మానవత్వం మర్శినోల్ల కాడ*
*పీనుగ కంపు తప్ప*
*ప్రాణం వాసన గొడ్తలేదు..!!*
ఈ కవితలో అర్థం హృదయాన్ని తాకుతుంది..స్వార్థం నిండిన మనిషి మనసుకి ఈ కవిత కర్తవ్యబోధన చేస్తుంది...నేటి మనిషి మనస్తత్వానికి అద్దం పడుతుంది ఈ కవిత,
మానవత్వం లేని వారికి శవం వాసనే కనిపిస్తుంది కానీ వారికి ప్రాణం వాసన అర్థం తెలియదు అనడం ఎంతో బాగుంది ఇందులోని తెలంగాణ మాండలికం లోని భాష, కవితా వస్తువు, భావవ్యక్తీకరణ, శిల్పం ఎత్తుగడ ,ముగింపు ఎంతో ఆదర్శంగా ఉంది.
మరో కవిత
" *అమ్మా నొప్పీ.."* ఇందులో అమాయకపు అత్యాచార బాధితురాలి హృదయ వేదనను వర్ణించిన తీరు ఎంతో ఆదర్శవంతంగా ఉంది.
మరో చక్కని కవిత *కవిత్వపు పుట్టుక* ఇందులో కవిత్వం
ఎలా ఆవిష్కరణ జరుగుతుందో తెలిపారు కవితలో ఈ క్రింది వరుసలు పరిశీలిస్తే రచయిత్రి యొక్క ప్రతిభ చెప్పకనే తెలుస్తుంది
" *కడుపు మండితే*
*కడుపు ఎండితే*
*కడుపు నిండితే*
*కవిత్వం పుడుతుంది"*
ఈ కవిత చదివితే *శ్రీ శ్రీ ..తిలక్* లలా తక్కువ పదాలతో అనంత భావాలు తెలిపుతాయి.
ఎన్నో కవితలు చాలా బాగున్నాయి ముఖ్యంగా ...చితి నెక్కిన బాల్యం ...జ్వలిత దేహం,స్నానం పూర్తి అయ్యింది...
మొదలైన కవితలు బాగున్నాయి.
*మట్టి వాసన* అనే కవితలో జన్మభూమి పై మమకారాన్ని ఆత్మీయతను మట్టి వాసన జ్ఞాపకాలతో చిన్నప్పటి సంగతులను ముడిపెట్టి చక్కని వర్ణనలతో వివరించిన తీరు బాగుంది.
ఈ కవితలో...
" *ఎన్ని జ్ఞాపకాలు ఉంటే ఏం లాభం..*
*ఈ నగరాన బతుకు బందీ అయ్యింది*
*ఈ కాంక్రీటు జంగల్ల ప్రేమ కరువైంది."*
అంటారు.. కవయిత్రి దీనిలో నేటి నగరీకరణ సంస్కృతి వల్ల మన పల్లెసీమ యొక్క మాధుర్యాన్ని ఏవిధంగా కోల్పోతున్నామో వివరిస్తూ పట్నంలో యాంత్రిక జీవనంలో ప్రేమ కరువైంది అంటూ ఆవేదనతో కవిత మలిచారు,
మరొక ఉత్తమ కవిత
*అన్వేషిత*
ఇందులో థర్డ్ జెండర్ వారి గురించి వారి మనసులోని భావాలు సంఘర్షణ వివరిస్తూ గొప్పగా కవిత్వీకరించారు.
రమాదేవి గారి *ప్రాణం వాసన* లోమనల్ని సన్మార్గంలో పెట్టే మంచి కవితలు ,మహిళల చైతన్యం.పిల్లల బాధ్యత..సామాజిక స్పృహ, యువతకు ప్రేరణ కలిగించేవి . ఎన్నో మంచి కవితలు ఉన్నాయి .మొత్తానికి ప్రాణం వాసన అనే పుస్తకం ప్రతీ ఒక్కరూ చదవదగిన ఉత్తమ పుస్తకం అనడంలో ఎటువంటి సందేహం లేదు , ప్రతి కవిత దేనికదే ప్రత్యేకం ప్రతి కవితలోనూ కవితా వస్తువు ఆవిష్కరణ ,ఎత్తుగడ, ప్రారంభం ,ముగింపు, పదబంధాల అల్లిక, భావవ్యక్తీకరణ మొదలైన అంశాలన్నింటికీ రచయిత్రి చక్కగా న్యాయం చేశారు నా అభిప్రాయం ప్రకారం ప్రాణం వాసన అనే పుస్తకంసమాజంలో చైతన్యపువాసన తీసుకు రాగలదు. పుస్తకం వెల చెల్లిస్తే ఆ డబ్బును తను నడుపుతున్న సాంత్వన ఫౌండేషన్ ద్వారా పేదలు..వికలాంగులు ,అనాథలు,కాన్సర్ పేషంట్లకు సహాయం చేయాలనే సంకల్పం గల ఈ పుస్తకం చరిత్రలో నిలిచిపోతుందని ఖచ్చితంగా చెప్పవచ్చు.
ప్రతులకు.. 7893261262 మృదువిరి పబ్లికేషన్స్ ..వెల..100/-
- వినాయకం ప్రకాష్
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
