వారాల ఆనంద్ కవితలు : కవిత్వం
కవిత్వం చిన్నది, విశ్లేషణ పెద్దది. అదే మినీ కవిత ప్రత్యేకత.
వారాల ఆనంద్ రాసిన అలాంటి ఆసక్తికరమైన కొన్ని మినీ కవితలను ఇక్కడ చదవండి :
 )
Followకవిత్వం
ప్రేమలేఖ రాసాను
స్పీడ్ పోస్టులో పంపనా కొరియర్ చేయనా
చిరునామా గుర్తు లేదు
*
నా ఇద్దరు మిత్రులు అపరిచితులు
ఒకర్నొకరికి పరిచయం చేసాను
నేనిప్పుడు అపరిచితుణ్ణి
*
నా నీడ
నాకంటే పొడుగు
మనసేమో ఆకాశమంత
*
మొగ్గ విచ్చుకుంటే
అందమయిన పువ్వవుతుంది
రెక్కలు విప్పదీస్తే మనసు ముక్కలవుతుంది
*
ఆకాశంలో నిండు మబ్బులు
ప్రసవం ఏ క్షణాన్నయినా కావచ్చు
నేలంతా సంతోష ప్రవాహం
*
గోడమీది ఫోటోలో
గల గల పారే నది ఉండాలి
వేసవి కదా ఎండిపోయింది
*
ప్రయాణంలో కలిసిన వాళ్ళు
ప్రయాణంలోనే దిగి పోతారు
మిగిలేది ప్రయాణమే
*
అతను గద్దెనెక్కాక
కళలు మాయమయ్యాయి
ప్రచారం మొదలయింది
*
చౌరస్తాలో నిలబడ్డాక
నాలుగు దిక్కులు
దిక్కులేని వాడికి ఎదిక్కయినా ఒకటే
*
సొంతూరులో అంతా గుర్తుపట్టే వాళ్ళు
నేనేమో ఇప్పుడెవర్నీ గుర్తుపట్ట లేను
వలస నాదా వూరుదా
*
పచ్చీసు అష్టాచెమ్మా
చార్ పత్తా ఒనగుంటలు
ఒటీటీ సిక్సర్ కొట్టింది
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
