అవధుల్లేని ప్రాధాన్యం ఆధార్ తో ఉన్నత స్థానం ప్రభుత్వ పత్రాల్లోనూ అగ్ర తాంబూలం అంటూ వి.నాగజ్యోతి రాసిన కవిత ' వేలిముద్ర ' ఇక్కడ చదవండి :
ఆస్తుల కొనుగోళ్లూ
అమ్మకాల పత్రాల
నిండా అక్షరాలున్నా
వేలిగుర్తు లేకుంటే
వేస్తాయి తెల్లమొఖం
అహంకారంతో
ఆస్తులాక్రమిస్తే
అడ్డుగోడయ్యేది వేలిముద్రే
Add Asianetnews Telugu as a Preferred Source
దొంగతనం చేసి
దొరలా తిరిగినా
వేలిముద్రలే
సాక్షాలుగా మారుతాయ్
కటకటాల్ని కేరాఫ్ అడ్రస్ చేస్తాయ్
రక్తసంబంధం ఉన్నా
వేలిముద్రలో మాత్రం
ఎవరికి వారే
యమునాతీరే
అన్నిటికీ ఆధారం
రాతకోతలకూ మూలం
ఏకలవ్యుని గురుదక్షిణ
అవధుల్లేని ప్రాధాన్యం
ఆధార్ తో ఉన్నత స్థానం
ప్రభుత్వ పత్రాల్లోనూ
అగ్ర తాంబూలం
