రేడియమ్ కవిత : జీవనచక్రం
అంతా సుఖం కూడా నరకం - అంతా దుఃఖం కూడా బాధకరం అంటూ హైదరాబాద్ పాతనగరం నుండి రేడియమ్ రాసిన కవిత ' జీవనచక్రం ' ఇక్కడ చదవండి.
 )
Followవాడు చావాలను కుంటున్నాడు
ఆమె బతకాలను కుంటుంది
వాడు బతకాలను కుంటున్నాడు
ఆమె చావాలను కుంటుంది
ఆమె అతడు
అతడు ఆమె
సంసారంలో
సంఘంలో
బతికి సాధించాలనుకున్నారు...
చావు పుట్టుక సత్యం
మట్టి కూడా అంతే నిజం
సహజ మరణం
అసహజ మరణం
పిరికి వాళ్లది అసహజ మరణం
సమాజ పునాది జీవన చక్రం...
కర్త కర్మ క్రియలా
ఓ మంచి వాక్యంలా
జీవనం ఉండాలి
మంచు కొండలు కరుగుతాయి
కొండలు పగిలి నేలకు జారుతాయి
ప్రకృతికి తలవంచి
సమస్తం నడుస్తుంది
అన్వేషణ మనిషి పని
ఆచరణ అందరి విధి
చావు పుట్టుక మధ్యనే జీవితం
కష్ట సుఖాలలోనే
ఆనంద జీవనం
అంతా సుఖం కూడా నరకం
అంతా దుఃఖం కూడా బాధకరం
తీపి చేదులా రెండూ సమతుల్యం
అదే జీవన చక్రం
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
