దాసరి మోహన్ కవిత : ప్రాంక్... ప్రాంక్
బంధాలు కారణాలు అల్లు తున్నాయి అనుబంధాలు అన్ని ప్రాంక్ ప్రాంక్ అంటూ దాసరి మోహన్ రాసిన కవిత " ప్రాంక్... ప్రాంక్ " ఇక్కడ చదవండి.
 )
Followఆమె సెలయేరు లా నవ్వుతుంటే
నేను సమయాన్ని అంకితం చేశాను
పెళ్లి ప్రయత్నానికి ప్రపోజల్ పెడితే
ప్రాంక్ ప్రాంక్ ప్రేమంతా ప్రాంక్ అంది
మూడు ముళ్లు మంగళ వాయిద్యాలు
ఏడు అడుగులు ఎన్నో బాసలు
అరుంధతీ లేదు ఆనందం లేదు
సంసారం లో సుఖం ప్రాంక్ ప్రాంక్
పట్టు తప్పి పడిపోయినప్పుడు
చుట్టు ముట్టు నవ్వులే నవ్వులు
చేయి అందించి చేరదీసింది లేదు
సిట్టింగుల కే పరిమితం స్నేహం ప్రాంక్ ప్రాంక్
కుప్పకూలి మంచాన పడితే
కొడుకు రాడు కూతురు రాలేదు
బంధాలు కారణాలు అల్లు తున్నాయి
అనుబంధాలు అన్ని ప్రాంక్ ప్రాంక్
మైకు ముందు ఆశలు కుమ్మరిస్తే
ఓటు వేసి కుర్చీ మీద కూచో బెట్టా
మంచి చేయమని గుర్తు చేసి నిలదీస్తే
ప్రాంక్ ప్రాంక్ హామీ లన్నీ ప్రాంక్ ప్రాంక్
ప్రాంక్ కాలం ప్రపంచం
కొన్ని కెమెరాల ముందు
లెక్కలేనన్ని తెర వెనకాల
ప్రాక్టికల్ గా బతకడం నేర్చుకోవాల్సిందే....
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
