దేశం మట్టి మనిషి వేరుకాదబ్బ విడిపోతే పడి పాడైపోతావు అంటూ రేడియమ్ రాసిన కవిత ' ఆటమొదలు ' ఇక్కడ చదవండి
దేశం మట్టి మనిషి వేరుకాదబ్బ విడిపోతే పడి పాడైపోతావు అంటూ రేడియమ్ రాసిన కవిత ' ఆటమొదలు ' ఇక్కడ చదవండి :
Add Asianetnews Telugu as a Preferred Source
చేపల చెఱువు
గొఱ్ఱెల మండి
కొంగల గుంపు
నక్కల గుంపు
దొంగ తపస్సు
ధూర్త వినయం
పాతకథలవి
కొత్త రూపంగా అవి
మళ్లి కులం పోట్లు
మళ్లి కరెన్సీ నోట్లు
మళ్ళి ఓట్ల జాతర
గద్దె కోసం తండ్లాట
బుద్ధి డబ్బు మేసిన
బుద్ధి మత్తులో తూలిన
ఉనికి తారుమారు
అస్తిత్వం మంటపాలు
యుద్ధాలు చరిత్ర చెబుతాయి
జీవించె తీరులో నాగరికతలు
కులం తగదాలు తగ్గుతున్నాయి
మతాల జోరు అంతగా కానరావు
ఓట్ల పేరుతో ఏకతా సూత్రనికి దెబ్బ
దేశం మట్టి మనిషి వేరుకాదబ్బ
విడిపోతే పడి పాడైపోతావు
నిప్పు గాలి వానలా ఉండి పోవాలి
