కదిలే నడక (హైకూలు)... రాధాకృష్ణమాచార్యులు కవిత
డా. టి . రాధాకృష్ణమాచార్యులు రాసిన కొన్ని హైకూలు ఇక్కడ చదవండి.
 )
Followఅదేం వ్యక్తిత్వం
మాటలు మార్చే తత్వం
పని గెల్పుకై
అస్ధిత్వ పాట
నీ ఒక్క‌రి కోసమా
మరి సమాజం?
మనసు దూప
మనిషి బాధ మాప
కలిసి పదా
అర్థం మాటైన
అద్దంలో కన్పించుగా
మనసు తీరు
మిత్రులే తోడు
లోపలి మనసుతో
కష్టాల ఒడి
మనిషే మరి
ఎందుకో మారే ఇలా
అబద్ద బాట
వనంలో మనం
దారంతా ఆకుపచ్చ
మనసూ చెట్లే
అహం కమ్మేసే
స్నేహ సుమ సౌందర్యం
దేహం కాలింది
రుచి మారింది
మనసు మాటా తేడా
ప్రాణం చితికే
ఆకాశం పిలుపు
వాన మట్టి వాసన
గొప్ప వంతెనే.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
