ప్రసూన బిళ్ళకంటి కవిత : సొగసు
ప్రసూన బిళ్ళకంటి ప్రకృతిలోని పరువాల "సొగసు" కవితను ఇక్కడ చదవండి:
 )
Followనింగికి నిండు జాబిలి సొగసు
చీకటిని ఛేదించు తారలు సొగసు
శిశిర తాపం తొలగించు ఆమని సొగసు
కనులను కాపాడు రెప్ప సొగసు
తుమ్మెద గ్రోలు పూ మధువు సొగసు
పిందెను రక్షించు ఆకు సొగసు
వయసును మెప్పించు పరువాలు సొగసు
జీవం బ్రతికుండ ప్రకృతి సొగసు
ఏటిలోన ఊరు ఊట సొగసు
పల్లం ప్రవహించు నీరు సొగసు
కాసారమందు కాంచు కలువ సొగసు
బోసినోటి పాప చిరునవ్వు సొగసు
మనవరాలతో తాత పరిహాసం సొగసు
మావ కురుల ముడుచు మల్లెలు సొగసు
ఎడారిలో తడిచేయు ఎండమావి సొగసు
దూది పింజల్లె మురిపించే మంచు గడ్డ సొగసు
ధర్మ పథమున నడిపించు సంస్కృతి సొగసు
ధరావతాన్ని రక్షించు వృక్షం సొగసు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
