నవజీవన్ కవిత : నీ పాద సేవ
నువ్వు ఇచ్చిన ఈ జన్మ నిను చేరి తరించుట కొరకే... అంటూ బెంగళూరు నుండి నవజీవన్ రాసిన కవిత ' నీ పాద సేవ ' ఇక్కడ చదవండి:
Followవెళ్లే దారుల్లో
పువ్వుల తీవాచి
కొత్త బాణీల స్వర నాదం
వేచి చూస్తున్న పూదోట
సీతకోకచిలుకల సమూహం
కుహు కూహూల గానామృతం
తుమ్మెదల ఝుంకారాలు
సకల ప్రాణుల ఆనందోత్సాహాలు
ఆ సూర్య కిరణాల తాకిడితో ప్రకృతి నిదురలేచి
ఉత్తేజం పొందుతూ
నీ పూజకై వేచి ఉన్నాయి
నిను తలుస్తూ
నిను కొలుస్తూ
నిను చూడడానికె
నిను చేరడానికె
ఈ జన్మ తపన
సకల ప్రాణికోటి రహస్యం
పుట్టి -గిట్టడం
మధ్యలో నీ పాదాల చెంత సేదతీరటం
నువ్వు ఇచ్చిన ఈ జన్మ
నిను చేరి
తరించుట కొరకే...
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
