Asianet News TeluguAsianet News Telugu

నరేష్ కుమార్ సూఫీ తెలుగు కవిత: restless

నరేష్ కుమార్ సూఫీ కవిత్వం తెలుగులో అభివ్యక్తి రీత్యా, వస్తువు రీత్యా భిన్నమైంది. కవిత అల్లికలో నరేష్ కుమార్ సూఫీ విశేషమైన ప్రతిభను చూపుతారు. ఆయన రాసిన restless కవిత చదవండి.

Naresh Kumar Sufi Telugu poem Restless
Author
Hyderabad, First Published Oct 11, 2021, 12:49 PM IST
  • Facebook
  • Twitter
  • Whatsapp

1
బొట్లు బొట్లుగా కరిగి పోతుంది రాత్రి 
చూరుమీద నుంచి రాలే వర్షపు చుక్కల్లా 
చీకటి రాలిపడుతుంది 
ముక్కలు ముక్కలుగా విడిపోతుంది నిదుర 
వొక శోక గీతమై గడుస్తుంటుంది కాలం 

*ఒకానొక జ్ఞాపకం మళ్లీ మళ్లీ కలగా మారి 
మేల్కొలుపుతుంది. 
Damn..! Is this is a fucking dream !? 
కళ్ళు తెరిచి, మంచినీళ్లు తాగి
కాలుతున్న సిగరేట్లా నేనూ.. తెల్లరేదాకా ఏ కదలికా లేక... అట్లా... 

2
బైక్ హ్యాండిల్ మీద కూచుంటుందొక చూపు 
రోడ్ వ్యూ బ్లర్ అయిపోయి 
Dude... Are you okay? 
నాకు నేనే ప్రశ్నించుకొని 
Yah...! Iam alright 
నన్ను నేనే సమాధాన పరచుకొని 

*బహుశా...! నిన్న కూడా ఇక్కడే ఇదే ప్రశ్న ఇంకెవరైనా, మరెవర్నైనా అడిగి ఉంటారా?? 
డిస్క్ బ్రేక్ వేసి, ఆలోచనలాపీ... 
ఎదురుగా ఆటోని తప్పించి... ఆఫీసులో ఎగిరిపడి 
ఒక్క క్షణమైనా నిలవలేక...  అట్లా... 

3
రోజు గడిచి పోయి, జీవితం గుడిచిపోయి
ఏసీ గదుల్ని ద్వేషించలేకా, పచ్చని అడవిని ప్రేమించలేకా... 
Dude... Just chill up Bro 
పాడుకుందామొక పాట... 
.
.
.
నానాటి బతుకూ నాటకమూ......

Follow Us:
Download App:
  • android
  • ios