నరాల సుధాకర్ కవిత : బందీలవుతున్నాం
మారీచ జింక వర్ణాలకు బందీలవుతున్నాం అంటూ లౌకిక శక్తుల పునరేకీకరణ కోసం తపిస్తున్న నరాల సుధాకర్ రాసిన కవిత "బందీలవుతున్నాం" ఇక్కడ చదవండి:
 )
Followతరిచి చూసుకుంటే నమ్మకద్రోహాలకు బలి అవుతూ
నిత్య బందీలుగ మారుతున్న స్వాతంత్ర్య బతుకులు మనవి
నది లాంటి నిజాలను
నిజాయితీ లేనివారు దాచెయ్యడంతో
అబద్దాల ఎండమావికి మనం బందీలవుతున్నాం
బలవంతుడు బలం ప్రయోగించి
మనల్ని బలహీనుల్ని చేస్తుంటే
ప్రశ్నించలేని జడత్వపు చేతిలో బందీలవుతున్నాం
తాము మంచి వాళ్లమని చెప్పుకోవడానికి ఎదుటోళ్లను చెడ్డగ చూపెడుతున్న వారి దృతరాష్ట్ర కౌగిలిలో బందీలవుతిన్నాం
అగ్ని హోత్రం ఇదంటూ మనల్ని కబోదులను చేస్తూ
మంచికి చితి పేరుస్తున్న వారి కబంధ హస్తాల్లో బందీలవుతున్నాం
చుట్టూ తాము సాగిస్తున్న దుర్నీతిని చూడకుండ మన కళ్లకు కడుతున్న గాంధారి గంతలకు బందీలవుతున్నాం
సమాజ హితం కోసం అగ్ని గుండంలో నడిచే
మన పాదాలకు మర్ధన చేస్తామని దారి మళ్లిస్తున్న
మారీచ జింక వర్ణాలకు బందీలవుతున్నాం
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
