కోడం కుమారస్వామి కవిత : పులి - రాజా !
తప్పులకు తలవంచి క్షమాపణలు వేడుకోవాల్సిందే ! అంటూ కోడం కుమారస్వామి రాసిన కవిత ' పులి - రాజా ! ' ఇక్కడ చదవండి :
 )
Followకన్నీళ్లెందుకు పులి రాజా !
నీ ఆకలికి బలైన లేడి పిల్లల
లెక్కెంతో చెప్పు
విగ్రహాలు మాట్లాడలేవు
మనుషులుగా మనమే మాట్లాడుకోవాలి
మన తప్పుల్ని మనమే సక్కదిద్దుకోవాలి !
కన్నీళ్ళు ఎందుకు పులి రాజా !
నీ చేతి పంజా గోళ్లలో నలిగిన లేతపూవులెన్నో
కూలిపోయిన గుడిసెలెన్నో జర లెక్కచెప్పు !
విగ్రహాలు మాట్లాడ లేవు
మాట్లాడే బిడ్డల గొంతుల్ని
కుట్ర కత్తులతో తెగ్గోయకు
ఆడ బిడ్డలు అంగడి బొమ్మలు కాదు
గుత్పలు ఎత్తిన ఐలమ్మలు!
నీలోపలి తోడేలు ఎన్ని బకరాలను బలి తీసుకుందో !
తోక బెత్తడు గొర్రె బొచ్చును
ఎన్ని సంచులు నింపావు
కాపరి ముందు మోకరిల్లి
లెక్క చెప్పాల్సిందే పులి రాజా !
జానపదులు నీడొక్క జీరి
డోలు కట్టి డిల్లెంకల్లెం ఆడుతరు
నీ కన్నీళ్ళను చూసి మొసలి
ముసిముసిగా నవ్వుతుంది
నటనకు ఆస్కార్ అవార్డు సిగ్గులు ఒలకబోస్తుంది
మొసలి కన్నీళ్ళెందుకు పులి రాజా !
తప్పులకు తలవంచి క్షమాపణలు వేడుకోవాల్సిందే !
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
