తెర తేటతెల్లం కాదు తెర తీయగ రాదు వఠ్ఠి తెర ముందు మనిషి కట్టేసిన బొమ్మై పోతాడు అంటూ కందాళై రాఘవాచార్య రాసిన కవిత ' తెర తీయగ రాదు ?? ' ఇక్కడ చదవండి :
ఏ మచ్చ లేని తెల్లని తెర !
ఆట మొదలైదంటే ఆగేదే లేదు
ఎన్నెన్ని షోలో
తెర మీదే మనుష్యులు !
తెర మీదే ఉన్మాదం !
తెర మీదే ఆకాశమంత మంటలు !
బాంబులాటలు !
నాయకి నాయకుల వాన పాటలు
తలలు నరకటం నాయకత్వం !!
తెర ఎర్ర చందనం అద్దకం !
పిల్లలు చూడకూడని దృశ్యాలు !
ఏమీ లేని తెర మీద ఏమేమో ?
దృష్టి మరల్చనీయని ప్రపంచ పాశవికత
Add Asianetnews Telugu as a Preferred Source
తెరదే రాజ్యం
శుభం అయినా ప్రేక్షకుల వెంట
తెర చిరగకుండా మనసుకు చుట్టుకుని వస్తుంది
రాత్రి పడుకుంటే కంటి మీద అదే తెర
కలలోనూ తెర ఆవిష్కరణ దృశ్యాలే
పైన బడ్డట్టే 3d ఉత్పాతం
మిథ్యా ప్రతిబింబాలైనా
హృదయం మీద నిజ ప్రతిబింబాలే
తెర తేటతెల్లం కాదు
తెర తీయగ రాదు
వఠ్ఠి తెర ముందు మనిషి కట్టేసిన బొమ్మై పోతాడు
ఇంద్రజాలం తెర
బాలలు భవిష్యత్తులో తెర మీది బొమ్మల్లా మారితే !!
జై కిసాన్ ఎక్కడా ?
జై జవాన్ ఎక్కడా ?
