గురిజాల రామశేషయ్య కవిత : సినీవాలి
సృష్టి అందమైన సృజన ! - మనిషే బుద్ధి పెరిగీ విధ్వంసశిల్పి ! అంటూ గురిజాల రామశేషయ్య రాసిన కవిత ' సినీవాలి ' ఇక్కడ చదవండి :
 )
Followనేనెటు చూసినా ఆనంద లాస్యమే - తాండవమే
వికారం అనబడే అంశాల్లోనూ నాకు
సాకారమే సాక్షాత్కరిస్తున్నది మరి...
మౌలికతను పర్యాలోకిస్తే... -
సృష్టి అందమైన సృజన ! -
మనిషే బుద్ధి పెరిగీ విధ్వంసశిల్పి !
లోయల అందాలు శిఖరాల చందాలకు
పచ్చల కిరీటాలు సమలంకరించే
గూఢనిధులు
గుప్తతే మనుషుల ఆప్యాయత ఆప్తత
మనోనేత్రం నిఘా నిఘరానీల్లో
హృదయ జ్యోత్స్న క్రమ ప్రవర్తిత పూర్ణిమ
పరిణామం ప్రకృతి స్వభావం
పూర్ణిమానంతరం క్షీణత
అయినా మనశ్చంద్రిక
అమావాస్య రాత్రిలో - సినీవాలి -
తదనంతరం అనుదిన ప్రవర్ధనశీలి
ఇదే ఇదే కాల సత్యం : మనస్సాక్ష్యం
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
