డా. వాణీ దేవులపల్లి కవిత : పునర్నవం
దుఃఖానంతర దృశ్యం స్నేహ హస్తమైనప్పుడు నా కళ్ళల్లో చిప్పిల్లిన కన్నీళ్ళిప్పుడు ఆనంద భాష్పాలే నేస్తం!! అంటూ
హన్మకొండ నుండి డా. వాణీ దేవులపల్లి రాసిన కవిత ఇక్కడ చదవండి :
 )
Followజీవితం మళ్లీ కొత్తగా స్పర్శించి
ఆత్మీయ కరచాలనమైనప్పుడు
బతుకు విలువేంటో తెలిసింది!!
మేఘ మల్ హర్ రాగమై
మళ్లీ కొత్తగా వర్షించి..
దుఃఖానంతర దృశ్యం
స్నేహ హస్తమైనప్పుడు
పునర్నవమైంది హృదయం!!
ఆ మోడు చిగురించి పుష్పించి
ఆశల హరివిల్లై పలకరిస్తే
మనసు రాగ రంజిత పాటై పల్లవించింది!!
ఆ అనుభూతుల పూలచెండ్లు
జ్ఞాపకాల పరిమళమై పరవశించి
గుండెలను ఆర్తిగా అపురూపంగా
హత్తుకుంటే...
ఒట్టు!
నా కళ్ళల్లో చిప్పిల్లిన కన్నీళ్ళిప్పుడు
ఆనంద భాష్పాలే నేస్తం!!
-డా. వాణీ దేవులపల్లి
9866962414
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
