ఇప్పుడక్కడ ఉంది నడకలేని నది కనురెప్పలు తెరిచిన ఇసుక వాకిలి అంటూ డా.టి.రాధాకృష్ణమాచార్యులు రాసిన కవిత ' నడకలేని నది ' ఇక్కడ చదవండి :
తడి కానరాలేదు
చెమ్మదనం పిలిచిన రాని చుట్టం
చెలిమితో నా చేతులు చేరి
పిడికిలిగా మారింది
సన్నసన్నగా జారింది
వేళ్ల సందుల్లోంచి చిన్నచిన్నగా
చూద్దును గదా అది నదీ గర్భం
Add Asianetnews Telugu as a Preferred Source
ప్రపంచం కోల్పోతూనే ఉన్నది
పర్యావరణ సమతౌల్యం
ఆకులు లేని ప్రకృతిలో
ఆరోగ్యం అంతరిస్తున్న మట్టి
బలం లేని నడకల తడబడుతుంది
సరిచూసుకో ముందే
అందాలూ తేనె గంధాలన్నీ కాటుగలుస్తాయ్ నడకలేని నదిలా
అలల ఆటలేని నదిని
నేను తడిమి మరీమరి చూస్తే
మెదడు పొరల్లోకి అప్ లోడైంది
తడిలేక పొడిబారిన పొత్తిళ్ళలో
నది ఎండిపోయిందన్న వార్త
ఇప్పుడక్కడ ఉంది నడకలేని నది
కనురెప్పలు తెరిచిన ఇసుక వాకిలి
