డా.టి.రాధాకృష్ణమాచార్యులు కవిత "ఆ ప్రేమలేవి మనలో!!"
స్వచ్ఛతలో మెరిసిన ఆ నిస్వార్ధ సేవలు ఏమాయేనో! అంటూ హైదరాబాద్ నుండి డా. టి.రాధాకృష్ణమాచార్యులు రాసిన కవిత " ఆ ప్రేమలేవి మనలో !!" ఇక్కడ చదవండి
కనిపించవేల ఈ రోజుల్లో మనలో
చీకటిలో నవ్వుతూ ఎగిరిన ప్రేమలు
వెలుగులో రోదిస్తూ కార్చిన మమతలు
మరలాగా బతుకు తిరిగే మనిషిలో
శిలలాగా పరుచుకుంది మనసులో
విలువలు తులతూగిన ఆ కాలం ఏది?
పూలై పూచిన ఆ సుగంధ బంధ వృక్షాలేవి?
పచ్చని మనసు తీరైన బతుకు ఏది?
ఆశల అద్దంలో మనిషి కదిలే రూపం ఎక్కడ?
స్వచ్ఛతలో మెరిసిన ఆ నిస్వార్ధ సేవలు ఏమాయేనో!
నాడి పట్టిన మెత్తని కరాల కరుణేదో
అస్పష్ట దృష్యమైంది
అయినా కనిపిస్తుంది కదా ఇంకా బతికిన విలువల జీవితం అమూల్య సేవలుగా నేడు
పచ్చని చెట్టు నీడలో ఎదిగిన మొక్కల శ్వాసగా అవనిలో.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండిLast Updated Jan 11, 2022, 1:53 PM IST
