డా.టి.రాధాకృష్ణమాచార్యులు కవిత : అడవి సింగిడి
అడవి ఓ గంభీర మాటలాంటి మౌనం స్వచ్ఛ స్వేచ్ఛా జీవన కావ్యం అంటూ డా.టి.రాధాకృష్ణమాచార్యులు రాసిన కవిత ' అడవి సింగిడి ' ఇక్కడ చదవండి :
 )
Followపెల్లుబికిన చైతన్యం
పచ్చపచ్చని తీగల్ని తాకే ఆకాశం అడవి
ఆకులు రాసిన మౌనం
ఆకుపచ్చ తీగలో అక్షర జీవం
కొమ్మల్ని అల్లుకున్న నీడ
విశాల ప్రవాహ హృదయంలో అడవి
జీవరాశి వేటాడిన ఆకలి
దాహం తీరిన జలాలది
ఇక ఆటంతా
జాలీ దయా మరిచిన వేటలో
అడవి
జీవిని పట్టిన పులి నోరు
గాండ్రించి దులిపే సింహం జూలు
విష సర్పాల సయ్యాటలు
ఇప్పపూల పుప్పొడి పరిమళించే వెన్నెల సోయగం
ఆకాశంలో మెరిసే ఆకుపచ్చ అందాలు
ఊహల ఆకులు ఊగే జలపాతాలు
ఆశల శోభలన్నీ ప్రకృతిలో ఆవిష్కృతం
అడవి ఓ గంభీర మాటలాంటి మౌనం
ఒక దయార్ద్ర నిశ్శబ్ద స్వరం
రవివర్మ గీసిన సింగిడి
నడిచిన కలల కరచాలనం
అది అద్భుత పులకింతల కళ
ఆంక్షల ప్రాకార ఆమని కాదు
స్వచ్ఛ స్వేచ్ఛా జీవన కావ్యం
పులి వేటు పాము కాటు ఎరిగిన వేటలో
రక్షిత జీవ జల జంతు వృక్షజాలం
మానవాళి ఆరోగ్యగవాక్షం
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
