దాసరి మోహన్ కవిత : మట్టి మనుషులు...
మట్టి మనుషుల బాధ శూన్యంలో శంఖం అంటూ నూతనంగా వ్యక్తీకరించిన దాసరి మోహన్ కవిత " మట్టి మనుషులు....." ఇక్కడ చదవండి :
 )
Followమట్టిని
చేతులతో మంత్రించి
దేవుని చేసారు
బతుకులు మాత్రం మార్చుకోలేదు
మట్టిని
చెమటతో తడిపి
తిండి గింజల్ని ప్రసాదించారు
వాళ్ళ కడుపులు మాత్రం నింపుకొలేక పోయారు
మట్టిని
శ్రమతో పెకిలించి
కాల్వలు చెరువులు తవ్వారు
కన్నీటికి మాత్రం కట్ట కట్టుకోలేదు
మట్టి మనుషుల
ఉట్టి ఖాళీగానే ఎప్పుడూ
మట్టి మనుషుల
బాధ శూన్యంలో శంఖం
మట్టి మనుషులు
ఓటర్ల జాబితా లోనే పదిలం.....
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
