ఐఫోన్ 13 సిరీస్ వచ్చేసింది.. ఇండియాలో దీని ధర, ఫీచర్లు, ప్రత్యేకతలు ఇవే..

 ఈ  ఐఫోన్‌ 13 మోడల్స్ అన్నిటి  డిజైన్ చాలా వరకు ఒకే విధంగా ఉంటుంది. కొత్త ఐఫోన్‌లో బ్యాటరీ లైఫ్, కెమెరా, పనితీరుకు సంబంధించి చాలా మార్పులు చేసింది. ఈ నాలుగు కొత్త ఐఫోన్‌లు ఆపిల్ ఏ15 బయోనిక్ ప్రాసెసర్‌తో పనిచేస్తాయి అలాగే అన్ని ఐఫోన్‌లను ఐ‌ఓ‌ఎస్ 15తో విక్రయింనున్నారు.
 

ఐఫోన్ 13 మినీ 128 జిబి వేరియంట్‌ ధర రూ. 69,900, 256 జిబి వేరియంట్‌ ధర రూ. 79,900, 512 జిబి వేరియంట్‌ ధర రూ .99,900. అలాగే ఐఫోన్ 13 128జి‌బి వేరియంట్ ధర రూ. 79,900, 256జి‌బి వేరియంట్ ధర రూ. 89.900, 512జి‌బి వేరియంట్ ధర రూ .1,09,900. 

ఇప్పుడు ఐఫోన్ 13ప్రొ, ఐఫోన్ 13ప్రొ మ్యాక్స్ ని 1 టి‌బి స్టోరేజ్‌తో కొనుగోలు చేసే అవకాశాన్ని అందిస్తుంది. ఐఫోన్ 13 ప్రో 128జి‌బి వేరియంట్ ధర రూ .1,19,900, 256జి‌బి వేరియంట్ ధర రూ .1,29,900, 512జి‌బి వేరియంట్ ధర రూ .1,49,900, 1 టి‌బి స్టోరేజ్ మోడల్ ధర రూ .1,69,900. ఐఫోన్ 13ప్రొ మ్యాక్స్ 128జి‌బి వేరియంట్ ధర రూ .1,29,900, 256జి‌బి వేరియంట్ ధర రూ .1,39,900, 512జి‌బి వేరియంట్ ధర రూ .1,59,900, 1 టి‌బి స్టోరేజ్ మోడల్ ధర రూ .1,79,900. ఈ ఇఫోన్లన్నిటిని  సెప్టెంబర్ 17 నుండి ప్రీ-ఆర్డర్ చేయవచ్చు అలాగే సెప్టెంబర్ 24 నుండి విక్రయించనున్నారు.

అన్ని ఐఫోన్లలో 6 కోర్ సి‌పి‌యూతో ఏ15 బయోనిక్ ప్రాసెసర్ ఇచ్చారు. అంతే కాకుండా 16 కోర్ న్యూరల్ ఇంజిన్ ఉంటుంది. యాపిల్ ర్యామ్, బ్యాటరీ గురించి అధికారిక సమాచారాన్ని వెల్లడించలేదు. ఐఫోన్ 13, ఐఫోన్ 13 మినీ స్టోరేజ్ ఆప్షన్  512 జిబి వరకు ఉండగా, ఐఫోన్ 13 ప్రో, ఐఫోన్ 13 ప్రో మ్యాక్స్‌లో 1 టిబి వరకు స్టోరేజ్ ఆప్షన్ ఉంది. ఆపిల్ ఐఫోన్‌లలో 1టి‌బి స్టోరేజీని ఇవ్వడం ఇదే మొదటిసారి.
 

పాత మోడల్స్ తో పోలిస్తే అన్ని ఐఫోన్‌లలో నాచ్ తగ్గించింది. ఐఫోన్ 13 మినీ 5.4-అంగుళాల డిస్‌ప్లే, ఐఫోన్ 13 లో 6.1-అంగుళాల రెటినా ఎక్స్‌డిఆర్ డిస్‌ప్లే ఉంటుంది. ఐఫోన్ 13 ప్రో 6.1-అంగుళాల డిస్‌ప్లే, ఐఫోన్ 13 ప్రో మాక్స్ 6.7-అంగుళాల డిస్‌ప్లేతో వస్తుంది. ఐఫోన్ 13 , ఐఫోన్ 13 మినీ, ఐఫోన్ 13 ప్రొ, ఐఫోన్ 13 ప్రొ మ్యాక్స్ 120Hz రిఫ్రెష్ రేట్‌ను కలిగి ఉంటాయి, వీటిని 10Hz అండ్  120Hz మధ్య అడ్జస్ట్ చేయవచ్చు. మినీ అండ్ ప్రొ మోడల్స్ బ్రైట్ నెస్ 1000 నిట్స్, ఐఫోన్ 13 ఇంకా ఐఫోన్ 13 ప్రో బ్రైట్ నెస్ 1200 నిట్స్ వరకు ఉంటుంది. డాల్బీ విజన్ హెచ్‌డి‌ఆర్10, హెచ్‌ఎల్‌జికి అన్నింటికీ సపోర్ట్ ఉంది.
 

ఐఫోన్ 13 ఇంకా ఐఫోన్ 13 మినీ సింగిల్ ఫ్లాట్ ఎడ్జ్ అల్యూమినియం ఫ్రేమ్ డిజైన్, సిరామిక్ షీల్డ్ డిస్‌ప్లేకి ఇచ్చారు. అన్ని ఐఫోన్లు వాటర్ అండ్ డస్ట్ ప్రూఫ్ కోసం ఐ‌పి68 రేట్ పొందాయి. అన్ని ఐఫోన్‌లు పింక్, బ్లూ, మిడ్‌నైట్, స్టార్‌లైట్, ప్రొడక్ట్ రెడ్ కలర్‌లలో లభిస్తాయి. ఐఫోన్ 13 ప్రోలో సర్జికల్ గ్రేడ్ అల్యూమినియం గ్రేడ్ ఉపయోగించారు.

ఐఫోన్ 13, ఐఫోన్ 13 మినీలో 12 మెగాపిక్సెల్ డ్యూయల్ రియర్ కెమెరా సెటప్ ఉంది. ఇప్పుడు ఒక కొత్త వైడ్ యాంగిల్ కెమెరా ఇచ్చారు, దీని ఎపర్చరు f/1.6ఉంది. దీనితో సెన్సార్ ఆప్టికల్ స్టెబిలైజేషన్‌కు సపోర్ట్ ఉంది. నైట్ మోడ్ పాత మోడల్స్ కంటే మెరుగ్గా ఉంటుంది. రెండవ లెన్స్ కూడా 12 మెగాపిక్సెల్స్ అల్ట్రా వైడ్ ఎపర్చరు f/2.4 ఉంది. ఐఫోన్ 13 ప్రో మోడల్‌లో 12 మెగాపిక్సెల్ ట్రిపుల్ రియర్ కెమెరా సెటప్ ఉంది. అన్ని ఐఫోన్‌ల ముందు కెమెరా 12 మెగాపిక్సెల్స్. 3X ఆప్టికల్ జూమ్‌తో 77ఎం‌ఎం టెలిఫోటో లెన్స్ ఉంది. అంతేకాకుండా అల్ట్రా వైడ్ కెమెరా, మాక్రో లెన్స్ కూడా కలిగి ఉంది. అన్ని ఐఫోన్‌లకు 5జి సపోర్ట్ ఉంటుంది.