60గంటల బ్యాటరీ బ్యాకప్‌తో జియోనీ మాక్స్ ప్రో స్మార్ట్ ఫోన్ లాంచ్.. ధర, ఫీచర్స్ తెలుసా..

జియోనీ  కొత్త బడ్జెట్ స్మార్ట్‌ఫోన్ జియోనీ మాక్స్ ప్రోను భారతదేశంలో విడుదల చేసింది. మంచి ఫీచర్లు ఉన్న ఫోన్ కోసం చూస్తున్నవారి కోసం జియోనీ మాక్స్ ప్రోను బడ్జెట్‌ ధరకే  ప్రవేశపెట్టారు. ఇది ఎంట్రీ లెవల్ స్మార్ట్‌ఫోన్ గా రానుంది. ఈ ఫోన్‌లో 6000 ఎంఏహెచ్ భారీ బ్యాటరీ, 6.52 అంగుళాల డిస్‌ప్లే అందించారు.

జియోనీ మాక్స్ ప్రో ధర
 జియోనీ మాక్స్ ప్రో ఫ్లిప్‌కార్ట్‌ ద్వారా మార్చి 8 నుండి అందుబాటులోకి రానుంది. జియోనీ మాక్స్ ప్రో ధర 6,999 రూపాయలు. దీనిని 3 జిబి ర్యామ్, 32 జిబి స్టోరేజ్ సింగల్ వేరియంట్‌తో కొనుగోలు చేయవచ్చు. ఈ ఫోన్ బ్లూ, వైట్,  రెడ్ కలర్ వేరియంట్లలో లభిస్తుంది.
 

జియోనీ మాక్స్ ప్రో స్పెసిఫికేషన్లు 
జియోనీ మాక్స్ ప్రోలో ఆండ్రాయిడ్ 10 ఓఎస్, 720x1560 పిక్సెల్‌ రిజల్యూషన్‌తో 6.52-అంగుళాల హెచ్‌డి ప్లస్ డిస్ ప్లే, డిజైన్ డ్యూడ్రాప్, 2.5డి కర్వ్ గ్లాస్ ప్రొటెక్షన్ ఉంది. ఫోన్‌లో యునిసోక్ 9863 ఎ ప్రాసెసర్ ఉంది, ఇది ఆక్టా-కోర్ ప్రాసెసర్. దీనిలో 3 జీబీ ర్యామ్, 32 జీబీ స్టోరేజ్ వస్తుంది వీటిని మెమరీ కార్డ్ సహాయంతో 256 జీబీ వరకు పెంచుకోవచ్చు.

జియోనీ మాక్స్ ప్రో యొక్క కెమెరా
ఈ ఫోన్ లో 13 మెగాపిక్సెల్ ప్రైమరీ లెన్స్‌తో డ్యూయల్ రియర్ కెమెరా సెటప్‌ ఉంది. రెండవ లెన్స్ 2 మెగాపిక్సెల్స్ కెమెరా. అలాగే ఫోన్‌లో సెల్ఫీ కోసం 8 మెగాపిక్సెల్ కెమెరా ఉంది. కెమెరాలో బోకెతో సహా చాలా ఫీచర్లు ఉన్నాయి.

బ్యాటరీ  ఇంకా కనెక్టివిటీ గురించి మాట్లాడితే 6000 ఎమ్ఏహెచ్ బ్యాటరీ ఇందులో  ఉంది. కనెక్టివిటీ కోసం ఫోన్‌లో 4జి ఎల్‌టిఇ, వై-ఫై, బ్లూటూత్ 4.2, జిపిఎస్ / ఎ-జిపిఎస్, 3.5 ఎంఎం హెడ్‌ఫోన్ జాక్, మైక్రో యుఎస్‌బి పోర్ట్ లభిస్తాయి. గూగుల్ అసిస్టెంట్ కోసం ఫోన్‌లో ప్రత్యేకమైన బటన్ కూడా ఉంది.

మరిన్ని ఇంట్రెస్టింగ్ అప్ డేట్స్ కోసం క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి