ఎయిర్‌టెల్ అతి చౌకైన ప్లాన్‌ తిరిగి వచ్చేసింది.. ఇప్పుడు డిస్నీ + హాట్‌స్టార్‌, అమెజాన్ ప్రైమ్ ఫ్రీ..

ఈ ఏడాది జూలై చివరిలో కస్టమర్లకు పెద్ద నిరాశ కలిగింది. అదేంటంటే దేశీయ టెలికాం దిగ్గజం ఎయిర్‌టెల్ చౌకైన ప్రీ-పెయిడ్ ప్లాన్‌ను నిలిపివేసింది, ఈ ప్లాన్ ధర రూ .49. ఆ తర్వాత ఎయిర్‌టెల్  చౌకైన ప్లాన్ ధర రూ .79  ప్రవేశపెట్టింది. ఇప్పుడు తాజాగా ఎయిర్‌టెల్ మళ్లీ రూ .49 ప్లాన్‌ను తీసుకొచ్చింది. మీరు ఎయిర్‌టెల్  రూ .49 ప్రీ-పెయిడ్ ప్లాన్‌ను మళ్లీ ఎయిర్‌టెల్ అధికారిక వెబ్‌సైట్‌లో చూడవచ్చు.

ఎయిర్‌టెల్ ఈ రూ. 49 ప్లాన్‌తో 28 రోజుల వాలిడిటీ లభిస్తుంది. అంతేకాకుండా ఈ ప్లాన్‌లో రూ. 38.52 టాక్ టైమ్ వస్తుంది. ఈ ప్లాన్‌తో 100ఎం‌బి డేటా కూడా లభిస్తుంది. లోకల్ / ఎస్‌టి‌డి కాలింగ్ సెకనుకు 2.5 పైసల చొప్పున చార్జ్ చేయవచ్చు. ఇంతకు ముందు కూడా ఈ ప్లాన్‌తో ఇలాంటి బెనెఫిట్స్ ఉండేవి.

రూ .49 ప్లాన్ కంపెనీ చౌకైన ప్రీ-పెయిడ్ ప్లాన్. దీని తరువాత రెండవ చౌకైన ప్లాన్ ధర రూ .79. రూ .79 ప్లాన్‌తో వినియోగదారులు రూ. 64 టాక్ టైమ్ పొందుతారు. కాలింగ్ కోసం  సెకనుకు 1 పైస చొప్పున చార్జ్ చేయవచ్చు. అంతేకాకుండా ఈ ప్లాన్‌తో 200ఎం‌బి డేటా అందుబాటులో ఉంటుంది అలాగే ఈ ప్లాన్ వాలిడిటీ 28 రోజులు ఉంటుంది.

కొన్ని రోజుల క్రితం ఎయిర్‌టెల్ డిస్నీ + హాట్‌స్టార్‌  ఫ్రీ సబ్‌స్క్రిప్షన్‌తో మూడు కొత్త ప్రీ-పెయిడ్ ప్లాన్‌లను ప్రారంభించింది. డిస్నీ + హాట్‌స్టార్ సబ్‌స్క్రిప్షన్‌తో ఎయిర్‌టెల్ కొత్త ప్లాన్ ప్రారంభ ధర రూ .499. 

ఎయిర్‌టెల్ రూ .499 ప్లాన్

ఎయిర్‌టెల్  ఈ ప్లాన్‌తో మీరు ఒక సంవత్సరం పాటు డిస్నీ + హాట్‌స్టార్ మొబైల్ ఎడిషన్‌కు ఉచిత సబ్‌స్క్రిప్షన్ పొందువచ్చు. అంతేకాకుండా ఈ ప్లాన్‌లో ప్రతిరోజూ 3జి‌బి డేటా అందుబాటులో ఉంటుంది. ఈ ప్లాన్‌తో  అన్ని నెట్‌వర్క్‌లకు ఆన్ లిమిటెడ్ కాలింగ్ లభిస్తుంది ఇంకా ప్రతిరోజూ 100 ఎస్‌ఎం‌ఎస్ చేయవచ్చు. ఎయిర్‌టెల్ ఈ ప్లాన్ వాలిడిటీ 28 రోజులు.  

ఎయిర్‌టెల్ రూ .699 ప్లాన్

ఎయిర్‌టెల్  రూ .699 ప్లాన్  వాలిడిటీ 56 రోజులు. ఈ ప్లాన్ తో ప్రతిరోజూ 2జి‌బి డేటా లభిస్తుంది. ఈ ప్లాన్‌లో కూడా అన్ని నెట్‌వర్క్‌లకు ఆన్ లిమిటెడ్ కాలింగ్ సౌకర్యం లభిస్తుంది ఇంకా ప్రతిరోజూ 100 ఎస్‌ఎం‌ఎస్ చేసుకోవచ్చు. డిస్నీ + హాట్‌స్టార్ మొబైల్ ఎడిషన్‌కు ఉచిత సబ్‌స్క్రిప్షన్, ఎయిర్‌టెల్ థాంక్స్ యాప్‌కు సబ్‌స్క్రిప్షన్ కూడా ఉంటుంది. ఇందులో ఎయిర్‌టెల్ ఎక్స్‌స్ట్రీమ్ యాప్ సబ్‌స్క్రిప్షన్ కూడా వస్తుంది. ఈ ప్లాన్‌తో మీరు అమెజాన్ ప్రైమ్ వీడియో మొబైల్ ఎడిషన్‌కు 30 రోజుల పాటు ఉచిత సబ్‌స్క్రిప్షన్ పొందుతారు.