హిందీ-తెలుగు కాదు.. ప్రపంచంలో టాప్-10 పురాతన భాషలు ఏవో తెలుసా?
oldest languages in the world: ప్రపంచంలో అత్యంత పురాతన భాష సంస్కృతం. అయితే, సంస్కృతంతో పాటు ప్రపంచంలో టాప్-10 పురాతన భాషలు ఏవో తెలుసా?
Followtop 10 oldest languages in the world: ప్రపంచంలో వేల సంవత్సరాలుగా మాట్లాడే భాషలు చాలా ఉన్నాయి. ఈ భాషలు మ‌నుషుల మధ్య కమ్యూనికేషన్ వ్య‌వ‌స్థ మాత్ర‌మే కాదు మన సంస్కృతి, నాగరికతల అభివృద్ధి, మతాల ఏర్పాటు సాక్షులుగా ఉన్నాయి. వీటి వెనుక చరిత్ర రహస్యాలు కూడా ఉన్నాయి. మన వారసత్వాన్ని కాపాడటంలో కూడా ముఖ్యమైన పాత్ర పోషించాయి. తమిళం, సంస్కృతం, లాటిన్ నుండి ఈజిప్షియన్, గ్రీకు వరకు.. ప్రతి భాషకు ఒక ప్ర‌త్యేక క‌థ, చరిత్ర ఉంది. ఈ భాషలలో కొన్ని నేటికీ సజీవంగా ఉన్నాయి. మరికొన్ని చరిత్ర పుటలలో నిలిచాయి. మ‌రీ ప్రపంచంలోని టాప్-10 పురాతన భాషలు ఏవో మీకు తెలుసా? తెలియ‌క‌పోతే ఇప్పుడు తెలుసుకుందాం ప‌దండి.. !
1. సంస్కృత భాష
సంస్కృతం ప్రపంచంలోనే పురాతన భాషగా పరిగణిస్తున్నారు. దీనిని 'దేవభాష' అని కూడా అంటారు. ఇది కీపూ. 5000 సంవత్సరాల చ‌రిత్ర‌ను కలిగి ఉంది. ఇది భారతదేశ అధికార భాషగా కూడా కొన‌సాగింది. అయితే, నేడు ఇది మాట్లాడే భాష కంటే పూజలు, ఆచారాల భాషగా మారింది. హిందూ మతానికి చెందిన అన్ని శుభకార్యాలు సంస్కృతంలోని వేదమంత్రాలతో జరుగుతాయి.
2. తమిళ భాష
తమిళ భాష ప్రపంచంలోని పురాతన భాషలలో ఒకటి. ద్రావిడ భాషా కుటుంబానికి చెందిన పురాతన భాష. దీని చరిత్ర 5000 సంవత్సరాల నాటిది. ప్రస్తుతం దీనిని 7.7 కోట్ల మంది ప్రజలు మాట్లాడుతున్నారు. ఈ భాష భారతదేశం, శ్రీలంక, సింగపూర్, మలేషియాలోని అనేక ప్రాంతాలలో మాట్లాడుతారు.
3. లాటిన్ భాష
లాటిన్ భాష పురాతన రోమన్ సామ్రాజ్యం, రోమన్ మత అధికారిక భాష. ఇది వాటికన్ సిటీ అధికారిక భాష కూడా. ఫ్రెంచ్, ఇటాలియన్, స్పానిష్, రొమేనియన్, ఇంగ్లీష్ వంటి భాషలు లాటిన్ నుండి అభివృద్ధి చెందాయి. ఇది మధ్య యుగాలలో, ఆధునిక పూర్వ కాలంలో ఐరోపా అంతటా అంతర్జాతీయ భాషగా గుర్తింపు పొందింది.
4. హిబ్రూ భాష
హిబ్రూ భాష సెమిటిక్ భాష. ఇది సుమారు 3000 సంవత్సరాల పురాతనమైనది. ఇది ఇజ్రాయెల్ అధికారిక భాష. ఒకానొక సమయంలో అది అంతరించిపోయింది, కానీ అది మళ్లీ పునరుద్ధరించబడింది. యూదు సమాజం దీనిని 'పవిత్ర భాష'గా పరిగణిస్తుంది. బైబిల్ పాత నిబంధన ఈ భాషలోనే రాశారు. ఇది కుడి నుండి ఎడమకు రాశారు.
Greek Alphabets
5. ఈజిప్షియన్ భాష
ఈజిప్షియన్ భాష ఈజిప్టు పురాతన భాష. ఇది ఆఫ్రో-ఏషియాటిక్ భాషా కుటుంబంలో భాగం. 2600–2000 BC వరకు ఉనికిలో ఉంది. ఇది ఇప్పటికీ దాని అసలు స్వభావాన్ని కొనసాగిస్తుంది.
6. గ్రీకు భాష
గ్రీకు భాష ఐరోపాలోని పురాతన భాష. ఇది 1450 BC నుండి గుర్తింపు పొందిన భాష. ప్రస్తుతం ఇది గ్రీస్, అల్బేనియా, సైప్రస్‌లో మాట్లాడుతున్నారు. నేటికీ దాదాపు 1.3 కోట్ల మంది ప్రజలు దీనిని మాట్లాడుతున్నారు.
7. చైనీస్ భాష
ప్రపంచంలో అత్యధికంగా మాట్లాడే భాష చైనీస్ భాష. ఇది చైనా, తూర్పు ఆసియాలోని కొన్ని దేశాలలో మాట్లాడతారు. ఇది సైనో-టిబెటన్ భాషా కుటుంబంలో భాగం. ప్రామాణిక చైనీస్ భాషను "మాండరిన్" అని పిలుస్తారు. ఈ భాష ఏసుక్రీస్తు రావడానికి 1200 సంవత్సరాల ముందు ఉండేది. ప్రస్తుతం 1.2 బిలియన్ల మంది దీనిని మాట్లాడుతున్నారు.
8. అరబిక్ భాష
అరబిక్ భాష చరిత్ర హిబ్రూ, అరబిక్ భాషలతో ముడిపడి ఉంది. దీని ఉనికి 1000 BC నాటిది. నేటికీ ఇది ఇరాక్, ఇరాన్, సిరియా, ఇజ్రాయెల్, లెబనాన్ స‌హా ఆధునిక రోమ్‌లలో మాట్లాడుతున్నారు.
9. కొరియన్ భాష
కొరియన్ భాష సుమారు 600 BC నుండి మాట్లాడుతున్నారు. నేడు దీనిని 80 మిలియన్లకు పైగా ప్రజలు మాట్లాడుతున్నారు. దీని స్క్రిప్ట్ “హంగుల్”. పురాతన కాలంలో కొరియాలో చైనీస్ ప్రజలు స్థిరపడిన కారణంగా, కొరియన్ భాష చైనీస్ భాషపై లోతైన ప్రభావాన్ని కలిగి ఉంది.
10. అర్మేనియన్ భాష
అర్మేనియన్ భాష ఇండో-యూరోపియన్ భాషా సమూహంలో భాగం, ఆర్మేనియా ప్రజలు దీనిని మాట్లాడుతారు. 5వ శతాబ్దంలో రాయ‌బ‌డిన బైబిల్ గ్రంథాలలో ఈ భాష విష‌యాల‌ను గుర్తించారు. నేడు ఈ భాషను దాదాపు 5% మంది ప్రజలు మాట్లాడుతున్నారు. ఇది మెసొపొటేమియా, కాకసస్ ప్రాంతంలోని లోయలు, నల్ల సముద్రం ఆగ్నేయ భాగంలో మాట్లాడుతున్నారు. ఇది రిపబ్లిక్ ఆఫ్ ఆర్మేనియా అధికారిక భాష.
హిందీ, తెలుగు భాషలు పురాతన టాప్-10 భాష‌ల లిస్టులో లేవు. హిందీ భాష చరిత్ర సుమారు 1000 సంవత్సరాల నాటిది. హిందీ సాహిత్యం ఏడవ-ఎనిమిదవ శతాబ్దంలో ప్రారంభమైంది. 'హిందీ' అనే పదాన్ని మొదట విదేశీ ముస్లింలు ఉపయోగించార‌ని రిపోర్టులు పేర్కొంటున్నాయి.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
