వేగంగా పరిగెత్తాలంటే.. మీ ముఖకవళికలు ఇలా ఉండాలి.. ట్రై చేయండి..

పరిగెడుతున్నప్పుడు మీ మొహంలో హావభావాలు ఎలా ఉంటాయో మీరెప్పుడైనా గమనించారా? లేదా..? అయితే ఈసారి జాగింగ్, లేదా రన్నింగ్ చేస్తున్నప్పుడు ఈ విషయం మీద దృష్టి పెట్టండి. ఎందుకంటే మీ ముఖకవలికలు మీ పరిగెత్తే వేగాన్ని నిర్దేశిస్తాయి. మీరు చదివింది నిజమే.. అధ్యయనాలు ఈ విషయాన్నే చెబుతున్నాయి.

మీ పరుగు వేగాన్ని పెంచడానికి మీ ముఖంలోని కవలికలు ముఖ్యభూమిక పోషిస్తాయని ఈ అధ్యనం తేల్చి చెబుతుంది. కనుబొమలు ముడేసి, దవడలు బిగుసుకుపోయి, పెదవులు బిగించి.. సీరియస్ గా ఉండే హావభావాలు మీ పరుగును నెమ్మదిస్తాయి. పనితీరును దెబ్బతీస్తుంది.

రన్నింగ్ అనేది చాలా శక్తిని వాడాల్సిన పని. దీనికి మీరు నిర్ధిష్ట సమయంలో నియమిత దూరం పరిగెత్తాలనుకున్నప్పుడు మీరు మరింత శక్తిని పెట్టాల్సి ఉంటుంది. ఈ శక్తిని ఉత్పత్తి చేయడం కోసం శరీరానికి మరింత ఆక్సీజన్ సరఫరా అవసరం అవుతుంది. అయితే దీనికోసం మీరు రిలాక్స్ డ్ గా ఉండాలి. ముఖ కండరాలు బిగించి, సీరియస్ గా ఉండడం వల్ల ఆ ప్రభావం మొత్తం శరీరం మీద పడుతుంది. భుజాలు, వీపు, చేతులు వీటి ప్రభావాానికి లోనవుతుంది. దీంతో లెగ్ స్ట్రైడ్, చేతుల స్వింగ్ తగ్గుతుంది. దీనివల్ల వేగం తగ్గుతుంది. అంతేకాదు గాయాలు అయ్యే అవకాశాలు, పడిపోయే ప్రమాదమూ ఉంది. 

మరి ముఖాన్ని ప్రశాంతంగా ఉంచడం ఎలా.... అంటే ఇది మొదట్లో కష్టంగానే ఉంటుంది. నిజానికి పరుగు మొదలు పెట్టగానే మొహంలో అటోమెటిగ్గా సీరియస్ నెస్ వచ్చేస్తుంది. అయితే రెగ్యులర్ గా దీని మీద దృష్టి పెట్టడం వల్ల మొహం కండరాలను రిలాక్స్ చేయడం వీలవుతుంది. దీనికోసం కొన్ని చిట్కాలు ఉన్నాయి.. 

ప్రతి మైలు దూరం పరిగెత్తిన తరువాత శరీరాన్ని తలనుంచి కాలి వరకు స్కాన్ చేయండి. మొహంలో ఆందోళన ఉందని అనిపిస్తే భుజాలు వదులుగా చేయండి. మీ ముఖ కవళికలు న్యూట్రలైజ్ చేయడానికి దవడలు వదులుగా చేసి, కళ్లను మామూలుగా వదలండి. 

భూ ఉరితలానికి శరీరం నిలువుగా ఉండాలి. వెన్నెముక నిటారుగా, భుజాలు తటస్థంగా, పిరుదులు ముందుకు ఉండాలి. చేతుల్ని బిగించొద్దు. కాలు కదలికలతో పాటు చేతుల్ని ఫ్రీగా కదిలించండి. తల ఎప్పుడూ నిటారుగా ఉండేలా చూసుకోండి. 

పరిగెత్తేప్పుడు శ్వాస కూడా చాలా ముఖ్యం. ఎలా అంటే మీ నడకను మీరు ఎంత బాగా శ్వాస తీసుకుంటారనే అంశం తీవ్రంగా ప్రభావితం చేస్తుంది. మీరు శ్వాసను బిగించడం వల్ల కండరాలు ఒత్తిడికి గురవుతాయి. దీనివల్ల తొందరగా అలిసిపోయినట్టు అనిపిస్తుంది. అందుకే మీ కదలికలతో శ్వాసను సమన్వయం చేయండి. 

ముక్కుతో శ్వాస తీసుకుని నోటితో శ్వాస వదలండి. మీకు ఊపిరి అందనట్టు అనిపిస్తే నోటితో కూడా శ్వాస తీసుకోండి. ఈ శ్వాసను మీ పరుగుతో అనుసంధానించండి. కుడికాలు, ఎడమకాలు కదలికలను ఉచ్ఛ్వాసనిశ్వాసలకు కలపండి.