వేడి వల్ల చర్మం దురద పెడుతోందా?
వేడి కారణంగా శరీరానికి ఎన్నో సమస్యలు వస్తాయి. వేడి చర్మాన్ని ట్యాన్ చేస్తుంది. అలాగే దురద పెట్టేలా చేస్తుంది. అయితే కొన్ని సింపుల్ చిట్కాలతో ఈ సమస్యను తగ్గించుకోవచ్చంటున్నారు నిపుణులు.
వేడి కారణంగా ఎన్నో చర్మ సమస్యలు వస్తాయి. వేడి చర్మాన్ని కాల్చగలదు. అలాగే ట్యాన్ చేస్తుంది. తేమ చెమటకు కారణమవుతుంది. దీనివల్ల చర్మంపై దుమ్ము, ధూళి పేరుకుపోతాయి. ఇది స్కిన్ ఇన్ఫెక్షన్ ప్రమాదాన్ని కూడా పెంచుతుంది. దీనివల్ల చర్మంపై దురద పెడుతుంది. కానీ ఎండాకాలంలో దురద సమస్య సర్వసాధారణం. ఆయుర్వేదం ప్రకారం.. దీనిని కొన్ని చిట్కాలతో తగ్గించుకోవచ్చు.
ఎండాకాలం శరీరంలో వేడిని కూడా పెంచుతుంది. ఇది చర్మ సమస్యలను కలిగిస్తుంది. అందుకే లోపల వేడిని తగ్గించడానికి, శరీరాన్ని చల్లగా ఉంచడానికి కొన్ని చిట్కాలను పాటించాలి. ఎండాకాలంలో వడదెబ్బ, ఎరుపు, చికాకు, దద్దుర్లు, మొటిమలు కూడా వచ్చే అవకాశం ఉంది.
ఆయుర్వేదం ప్రకారం.. వాత, పిత్త, కఫ దోషాలు మన చర్మంపై చాలా ప్రభావాన్ని చూపుతాయి. దీని ప్రకారం.. ఒక నిర్దిష్ట రకం చర్మం ఒక నిర్దిష్ట సీజన్ లో ఎక్కువ సమస్యలను ఎదుర్కోవలసి ఉంటుంది. వాత చర్మం పొడిగా, పలుచగా, సున్నితంగా, స్పర్శకు చల్లగా ఉంటుంది. ఇది సులభంగా నిర్జలీకరణానికి గురవుతుంది.
పిత్త లోపాలు ఉన్న చర్మం సున్నితంగా, మృదువుగా, వెచ్చగా ఉంటుంది. ఇది మచ్చలు, మొటిమలు, దద్దుర్లు, లేదా సూర్యరశ్మి ద్వారా ఎక్కువగా ప్రభావితమవుతుంది. కఫం చర్మం జిడ్డుగా, మందంగా, పసుపు రంగులో, మృదువుగా, చల్లగా, సూర్యుడిని తట్టుకునేదిగా ఉంటుంది. మొటిమలు, నీరు నిలుపుదలకి ఎక్కువ అవకాశం ఉండొచ్చు. చర్మంపై దురద తగ్గాలంటే ఏం చేయాలో ఇప్పుడు తెలుసుకుందాం..
కలబంద సన్స్క్రీన్ అప్లై చేయండి
వేసవిలో ఎండల నుంచి మిమ్మల్ని మీరు రక్షించుకోవడం చాలా ముఖ్యం. ఆయుర్వేదం ప్రకారం.. సూర్యుని వేడి కిరణాలకు గురికావడం వల్ల పిత్త దోషం ఏర్పడుతుంది. ఇది దీర్ఘకాలిక వాతం పెరగడానికి కూడా దారితీస్తుంది. ఇది చర్మాన్ని పొడిగా చేస్తుంది. దీనిని నివారించడానికి రోజంతా మంచి నాణ్యతున్న కలబంద సన్స్క్రీన్ ను పెట్టండి.
హెర్బల్ టీ
ఎండాకాలంలో రోజంతా 8 గ్లాసుల నీటిని తాగండి. హైడ్రేటెడ్ గా ఉండండి. అలాగే అల్లం, నిమ్మకాయ నుంచి తయారైన మూలికా టీలను కూడా తాగండి. ఇది జీర్ణక్రియను ఆరోగ్యంగా, చర్మాన్ని మెరిసేలా చేస్తుంది. అవోకాడో, మందారం, రోజ్మేరీ, మోరింజా టీని కూడా తాగొచ్చు.
ఆయిల్ మసాజ్
పొడి చర్మానికి ఆయిల్ మసాజ్ బెస్ట్ రెమెడీ. బాదం నూనె వాటిని వారానికి 2-3 సార్లు రాత్రిపూట అప్లై చేయడం వల్ల దురద సమస్య తొలగిపోతుంది. ఆయిల్ మసాజ్ రక్త ప్రసరణ, లింఫోయిడ్ క్లియరెన్స్ ను మెరుగుపరుస్తుంది. ఇది బ్యాక్టీరియాను అభివృద్ధి చేయదు. దురదను కలిగించదు.
వేప ఆకుల పేస్ట్
చర్మం వాపు, దురదను తగ్గించడనికి వేప ప్రభావవంతంగా పనిచేస్తుంది. ఇది చెడు కఫం, పిత్తాన్ని సమతుల్యం చేస్తుంది. ఉబ్బసం వంటి చర్మ ఇన్ఫెక్షన్లను తగ్గించడానికి ఇది సహాయపడుతుంది. వేప ఆకులను పేస్ట్ లా చేసి దురద పెట్టే ప్లేస్ పై అప్లై చేయండి. దీన్ని పూర్తిగా ఆరనివ్వాలి. ఆ తర్వాత చల్లని నీటితో కడగండి. ఈ పేస్ట్ ను వారం రోజుల పాటు రోజూ అప్లై చేయండి.
Image: Getty Images
గంధం, రోజ్ వాటర్
గంధం, రోజ్ వాటర్ లో యాంటీసెప్టిక్, యాంటీ ఇన్ఫ్లమేటరీ లక్షణాలు ఉంటాయి. గంధం, రోజ్ వాటర్ తో చేసిన పేస్ట్ చర్మానికి అప్లై చేస్తే చర్మపు చికాకు తగ్గిపోతుంది. గంధపు చెక్కలో తాజా వాసన కూడా ఉంటుంది. ఇది చెమట వల్ల కలిగే దుర్వాసన సమస్యను తగ్గిస్తుంది.