చబ్బీ చీక్స్.. మొహంమీది కొవ్వుకు సంకేతం.. ఇలాచేస్తే కరిగించొచ్చు..

మొహం గుండ్రంగా.. చబ్బగా తయారవడం ఒక వయసులో బాగానే ఉంటుంది. కానీ వయసు మీద పడ్డా కొద్దీ.. ఇది మీ ముఖం మీద పేరుకుపోతున్న కొవ్వుకు సంకేతం.. బూరెల్లా పొంగిన బుగ్గలు, డబుల్ చిన్.. మెడ చుట్టూ కొవ్వు పేరుకుపోవడం.. ఇవి మిమ్మల్ని మీరు పట్టించుకోవడం లేదు అనే దానికి నిదర్శనంగా కనిపిస్తాయి. 

మేకప్, కెమెరా లైటింగ్ మిమ్మల్ని కాస్త సన్నగా కనిపించేలా చేసినా.. అసలు వాస్తవానికి వచ్చే ఇది మీ సమస్యకు అసలు పరిష్కారం మాత్రం కాదు. మీ ముఖం మీద పేరుకుపోయిన కొవ్వును తగ్గించుకుని ఆరోగ్యవంతమైన అందంతో మెరిసిపోవాలంటే.. మీ జీవనశైలిలో మార్పులు చేసుకోవాలి. 

ఫేషియల్ ఎక్సర్ సైజులు.. శరీరంలోని వివిధ అవయవాలకు సంబంధించి వ్యాయామాలు ఉన్నట్టుగానే ముఖంమీది కొవ్వును తగ్గించే వ్యాయామాలూ ఉన్నాయి. ఇవి మీ ముఖ కండరాలను ఫ్లెక్టిబుల్ గా చేస్తాయి. జర్నల్ ఆఫ్ క్లినికల్ & డయాగ్నోస్టిక్ రీసెర్చ్‌లో ప్రచురించబడిన ఒక అధ్యయనం ప్రకారం, ముఖ వ్యాయామాలు చేయడం వల్ల ముఖ కండరాలను బలోపేతం చేయవచ్చు, వృద్ధాప్యాన్ని తగ్గించవచ్చు. టోన్ చేయవచ్చు. ఈ వ్యాయామాలు కొవ్వును కరిగిస్తాయన్న ఖచ్చితమైన ఆధారాలు లేనప్పటికీ.. మీరు స్లిమ్ గా కనిపించేలా మాత్రం చేస్తాయి. 

వీటిల్లో ఒకటే పళ్ళను బిగించి.. బుగ్గలు ఉబ్చించి నవ్వు మొహం పెట్టడం, ఆ తరువాత చేపమూతిలా బుగ్గల్ని లోపలికి నెట్టి పెదాల్ని ముందుకు పెట్టే వ్యాయామాలు.. అంతేకాదు.. కొంతమంది అంత ఎక్కువ లావు లేకున్నా మొహం ఉబ్చినట్టు కనిపిస్తుంది. దీనికి కారణం డీ హైడ్రేషన్. 

తగినంత నీరు తీసుకోకపోవడం వల్ల మీ శరీరం ఉప్పును నిల్వ చేసుకుంటుంది. దీనివల్ల మీ ముఖంతో సహా మీ శరీరంలో ఉబ్బుగా కనిపిస్తుంది. అందుకే తప్పనిసరిగా రోజుకు ఎనిమిది గ్లాసుల నీరు తాగాలి. దీనివల్ల మీ ముఖం సన్నగా కనిపించడానికి, శరీరం నుండి  కొవ్వును తొలగించడానికి మీ జీవక్రియను వేగవంతం చేస్తుంది. కాబట్టి మీరు నీరు ఎంత తాగుతున్నారో కనిపెట్టండి.. అలాగే, మీకు దాహం అనిపించిన ప్రతిసారీ, నిజంగా ఆకలి ఉందా లేదా దాహం ఉందో లేదో తెలుసుకోవడానికి ఒక గ్లాసు నీటిని తాగండి. ఇది మిమ్మల్ని హైడ్రేటెడ్‌గా ఉంచడంలో సహాయపడతాయి. అయితే మరీ చల్లగా కాకుండా సాధారణ ఉష్ణోగ్రత వద్ద నీరు తాగడం ఉత్తమం.

బరువు తగ్గే ప్రయత్నంలో ఆహారం ముఖ్యమైన పాత్ర పోషిస్తుంది. స్థూల పోషకాలు, సూక్ష్మపోషకాలు అధికంగా ఉండే ఆరోగ్యకరమైన ఆహారాలు మీ అంతర్గత వ్యవస్థను చక్కగా ఉంచడంలో సహాయపడతాయి. మీ అవయవాలు అన్ని విధులను సమర్ధవంతంగా నిర్వహించగలుగుతాయి.మీ జీవక్రియను వేగవంతం చేస్తుంది. కొవ్వును వేగంగా కరిగించడానికి సహాయపడుతుంది. అయితే దీనికి మీరు చేయాల్సింది... రిఫైన్డ్ కార్బ్ లను మీ ఆహారంలో అవాయిడ్ చేయండి. వీటివల్ల బరువు పెరగడానికి దోహదం చేస్తాయి. అనేక ఆరోగ్య సమస్యలు వస్తాయి.

మంచినిద్ర మిమ్మల్ని స్లిమ్ గా మార్చేస్తుంది. రోజుకు 7,8 గంటల పాటు గాఢమైన నిద్ర మిమ్మల్ని ఆరోగ్యవంతంగా మారుస్తుంది. ముఖంమీద పేరుకుపోయిన కొవ్వును కరిగించడంలో సాయం చేస్తుంది. నిద్ర లేమి ఒత్తిడికి కారణమయ్యే కార్టిసాల్ హార్మోన్ స్థాయిని పెంచుతుంది. ఇది మీ జీవక్రియను మార్చవచ్చు, కొవ్వు నిల్వలను పెంచుతుంది. దీనివల్ల తెల్లారి లేచేసరికి మీ ముఖం ఉబ్బినట్లు కనిపించేలా చేస్తుంది. 

పడుకోవడానికి ఉత్తమ సమయం రాత్రి 9:30 నుండి 10:30 వరకు, మేల్కొలపడానికి ఉదయం 5:30 నుండి 7 గంటల మధ్య ఉంటుంది. మీ ఆరోగ్యం, ఫిట్‌నెస్‌లో మార్పులకు సాక్ష్యంగా మీ నిద్ర షెడ్యూల్‌ని సర్దుబాటు చేయండి. రోజుకు 7-8 గంటల పాటు మంచి నిద్ర పొందడానికి ప్రయత్నించండి.

అధిక ఉప్పు, ఆల్కహాల్ వల్ల మీ శరీరంలో నీటి బరువు పెరుగుతుంది. దీనివల్ల ఒక్కోసారి రాత్రిపూట అకస్మాత్తుగా బరువు పెరిగినట్లు మీకు అనిపించవచ్చు. ఇది మీ ముఖం వాపు, ఉబ్బినట్లుగా కనిపించేలా చేస్తుంది. పరిమితంగా తినడం, మరియు తాగడం వల్ల బరువు తగ్గడాన్ని వేగవంతం చేయడం, ఆరోగ్య సంబంధిత రుగ్మతల నుండి మిమ్మల్ని దూరంగా ఉంచడం వంటి అనేక విధాలుగా సహాయపడుతుంది. సోడియం తీసుకోవడం విషయంలో, ప్రాసెస్ చేసిన ఆహారాలు మరియు భోజనం చేసేటప్పుడు వండిన ఆహారాలకు టేబుల్ సాల్ట్ జోడించడం మానుకోండి.