బిలీనియర్లు ముకేష్ అంబానీ, నీతా అంబానీల ఫేవరేట్ ఫుడ్ ఏంటో తెలుసా?

భారత బిలీనియర్లు ముకేష్ అంబానీ, నీతా అంబానీల గురించి స్పెషల్ గా పరిచయం చేయాల్సిన అవసరం లేదు.   రిలయన్స్ అధినేత, భారత కుబేరుడిగా ముకేష్ అంబానీ అందరికీ  సుపరిచితమే. ఈ జంటను పవర్ ఫుల్ కపుల్ గా పిలుస్తారు. కొంతకాలంగా ముఖ్యంగా అంబానీ పేరు ఎక్కువగా వినపడుతోంది. అందుకు కారణం... ఆయన కుమారుడి వివాహమే. ముకేష్-నీతా ల ముద్దుల కుమారుడు అనంత్ అంబానీ వివాహం త్వరలోనే జరగనుంది. వీరి వివాహానికి సంబంధించిన ఏర్పాట్లు ఘనంగా జరుగుతున్నాయి.
 

ఈ వివాహ వేడుక సంగతి పక్కన పెడితే... ఈ పవర్ ఫుల్ కపుల్ ముకేష్, నీతా అంబానీల ఫేవరేట్ ఫుడ్స్ ఏంటి..? వాళ్లు ఎక్కువగా ఏమి తినడానికి ఇష్టపడతారో ఓసారి చూద్దాం..
 

1.ముకేష్ అంబానీ కి దక్షిణాది వంటలంటే అమితమైన ఇష్టమట. ముఖ్యంగా ఆయనకు ఇడ్లీ సాంబార్ అంటే చాలా ఇష్టం. ఎంత ఇష్టం అంటే.. వాళ్ల ఇంట్లో  ప్రతి ఆదివారం బ్రేక్ ఫాస్ట్ కచ్చితంగా ఇడ్లీ సాంబార్ ఉంటుందట.

2.ఆయన ప్రతిరోజూ డిన్నర్ లో కచ్చితంగా గుజరాతీ స్టైల్ పప్పును తీసుకుంటారట. ఆయన గుజరాత్ స్టైల్ లో చేసే పప్పు అంటే చాలా ఇష్టమంట. అందుకే ప్రతిరోజూ డిన్నర్ లో అది కచ్చితంగా ఉండాల్సిందే.

3.ముకేష్ అంబానీ, నీతా అంబానీ.. ఇద్దరూ ఇంటి భోజనం మాత్రమే చేయడానికి ఇష్టపడతారట.  తమ ఇంట్లో ప్రముఖ చెఫ్స్ తయారు చేసిన  భోజనాన్ని ఆస్వాదిస్తారు. ఆ భోజనం ఆరోగ్యకరంగా ఉండేలా చూసుకుంటారట. ఇక.. ఆ ఫుడ్ లో లో క్యాలరీలుు ఉండేలా చూసుకుంటారు.
 

4.ముకేష్ అంబానీ ఆరోగ్యానికి చాలా ఎక్కువ ప్రాధాన్యత ఇస్తారట. ప్రతిరోజూ కాయధాన్యాలు తన ఆహారంలో భాగం అయ్యేలా చూసుకుంటారు. చపాతీతో రాజ్మా,  పప్పు, అన్నం లను ఎక్కువగా తీసుకుంటారు.

5.ఎంత కోటీశ్వరులు అయినా.. ముకేష్, నీతా అంబానీలు స్ట్రీట్ స్టైల్ ఫుడ్స్ ని కూడా ఆస్వాదిస్తారట. ముఖ్యంగా దహీ బటాటా పూరీ, బేల్ పూరీలను స్నాక్స్ గా తీసుకోవడానికి ఇష్టపడతారట.

6.ముకేష్ అంబానీ  సాయంత్రం స్నాక్స్ లో ఎక్కువగా సేవ్ పూరీ  తినడానికి ఇష్టపడతారట. అది కూడా ఛాయ్ కాంబినేషన్ లో తీసకోవడం వారికి చాలా ఇష్టమట.

7.ఇక తమ భోజనంలో తాజా పండ్లు, కూరగాయలు కచ్చితంగా ఉండేలా చూసుకుంటారట. బ్యాలెన్స్డ్ డైట్  తీసుకుంటారట. ఒకవైపు లగ్జరీ లైఫ్  అనుభవిస్తూనే.. మరోవైపు ఇలా సాంప్రదాయ వంటలను,  స్ట్రీట్ ఫుడ్స్ ని కూడా ఈ అంబానీ దంపతులు ఆస్వాదిస్తూ ఉంటారు.