Diabetes patients: డయాబెటీస్ పేషెంట్లు పొరపాటున కూడా ఈ కూరగాయలను తినకూడదు..
Diabetes patients: మధుమేహులకు ఆకు పచ్చని కూరగాయలు ఎంతో మంచివి. ఇవి తింటే వారి రక్తంలో షుగర్ లెవెల్స్ నియంత్రణలో ఉంటాయి. అయితే వీరు కొన్ని రకాల కూరగాయలను మాత్రం పొరపాటున కూడా తీసుకోవద్దు.
ఈ రోజుల్లో డయాబెటీస్ వ్యాధి సర్వసాధారణంగా మారిపోయింది. అందులోనూ ఇది చిన్న వయసు వారికి కూడా వస్తుంది. దీనికి కారణాలు చాలానే ఉన్నాయి. మారిన జీవన శైలి, చెడు ఆహారపు అలవాట్ల వల్ల వస్తుంది. ఒక్కసారి వచ్చిందంటే ఇది అంత సులువుగా వదిలిపోదు. జీవితాంతం మనల్ని అంటుకునే ఉంటుంది.
అందుకే వీరు తమ రక్తంలో షుగర్ లెవెల్స్ నియంత్రణలో ఉంచుకోవాల్సిన అవసరం ఎంతో ఉంది. అయితే టైప్ 2 డయాబెటీస్ పేషెంట్లు కొన్ని రకాల కూరగాయలకు ఎంత దూరంగా ఉంటే అంత మంచిది. ఎందుకంటే వాటిని తినడం వల్ల రక్తంలో షుగర్ లెవెల్స్ విపరీతంగా పెరిగిపోతాయి. ఇంతకి ఎలాంటి ఆహారాలకు దూరంగా ఉండాలో తెలుసుకుందాం పదండి.
బంగాళాదుంప (Potato): కూరగాయల్లో రారాజుగా బంగాళాదుంపలను పిలుస్తారు. ఎందుకంటే ఈ బంగాళాదుంపలను ఎన్నో రకాల కూరగాయలతో కలిపి వండుతారు. దీన్ని ఏ కూరగాయలతో కలిపి చేసినా.. టేస్ట్ అదిరిపోతుంది. కానీ ఇది డయాబెటీస్ పేషెంట్ల ఆరోగ్యానికి ఏ మాత్రం మంచిది కాదు. ఎందుకంటే దీనిలో కార్బోహైడ్రేట్లు (Carbohydrates), పిండి పదార్థాలు ఎక్కువగా ఉంటాయి. ఇవి రక్తంలో షుగర్ లెవెల్స్ ను పెంచడానికి సహాయపడతాయి. అందుకే బంగాళా దుంపలతో చేసిన చిప్స్, బంగాళా దుంప టిక్కి, ఫ్రెంచ్ ఫ్రైట్ వంటివి ఏవీ తినకూడదు.
మొక్కజొన్న (Corn): మొక్కజొన్నలను సన్నని మంటపై కాల్చుకుని లేదా ఉడకబెట్టుకుని తింటుంటే వచ్చే మజాయే వేరు. దీనిని ఇష్టపడని వారంటూ ఎవరూ ఉండరేమో. కానీ దీనిని మధుమేహులు మాత్రం అస్సలు తినకూడదు. ఎందుకంటే దీనిలో కార్బోహైడ్రేట్ల కంటెంట్ ఎక్కువ మొత్తంలో ఉంటుంది. ఇది వారి రక్తంలో షుగర్ లెవెల్స్ ను విపరీతంగా పెంచుతుంది.
చిలగడదుంప (Sweet potato): చిలగడదుంపలు మన ఆరోగ్యానికి ఎంతో మేలు చేస్తాయి. వీటిని తరచుగా తినడం వల్ల ఎన్నో సమస్యలు తగ్గుతాయి. అయితే ఇవి మధుమేహులకు ఏ మాత్రం మంచివి కావు. ఎందుకంటే వీటిలో బీటా కెరోటిన్, కార్బోహైడ్రెట్లు ఎక్కువ మొత్తంలో ఉంటాయి. ఇవి డయాబెటీస్ పేషెంట్ల రక్తంలో షుగర్ లెవెల్స్ పెరిగేలా చేస్తాయి. అందులోనూ దీనిలో షుగర్ కంటెంట్ కూడా ఎక్కువగానే ఉంటుంది. అందుకే మధుమేహులు వీటిని తినకపోవడమే మంచిది.
బఠాణీ (Pea): బఠాణీలో మన ఆరోగ్యానికి మంచి చేసేవే అయినా.. వీటిని మధుమేహులు ఎట్టి పరిస్థితిలో తినకూడదు. వీటిలో పిండి పదార్థాలు, కార్బోహైడ్రేట్లు ఎక్కువ మొత్తంలో ఉంటాయి. ఇవి షుగర్ లెవెల్స్ ను విపరీతంగా పెంచుతాయి. అందుకే డయాబెటీస్ పేషెంట్లు వీటిని తినకపోవడమే మంచిదని నిపుఉణులు చెబుతున్నారు. ఒక వేళ తింటే వీరి జీర్ణక్రియ మరింత క్షీణిస్తుంది.