టాలెంట్ ఎవడబ్బ సొత్తు కాదు.. వీళ్లే బెస్ట్ ఎగ్జాంపుల్స్
టాలెంట్ అనేది ఎవరి సొత్తు కాదు. ఒకప్పుడు సినీ స్టార్స్ బ్యాక్ గ్రౌండ్ తో వారి సన్నిహితులు స్టార్స్ గా గుర్తింపు తెచ్చుకునేవారు. కానీ సోషల్ మీడియా వచ్చిన తరువాత సొంత టాలెంట్ తో చాలా మంది యూత్ కి దగ్గరవుతున్నారు. ప్రస్తుతం యూట్యూబ్ లో అందుకు ఉదాహరణగా నిలుస్తున్నది వీరే.. సొంత టాలెంట్ తో ఎవరి సపోర్ట్ లేకుండా వారికంటూ ఒక ప్రత్యేకమైన గుర్తింపు దక్కించుకున్నారు.
మహాతల్లి షోతో యూ ట్యూబ్ లో సెన్సేషన్ క్రియేట్ చేస్తున్న జాహ్నవి పలు సినిమాల్లో కూడా నటించింది. సోషల్ మీడియాలో ఆమె తనకంటూ ఒక స్పెషల్ ఫ్యాన్ బేస్ ను ఏర్పాటుచేసుకున్నారు.
వైవా హర్ష: అప్పుడెప్పుడో బిటెక్ వైవా అనే ఒక చిన్న కాన్సెప్ట్ తో మొదలైన హర్ష ప్రయాణం ఇప్పుడు నాన్ స్టాప్ గా అదే ఫ్లో లో వెళుతోంది. తన పంచ్ లతో హర్ష ఎక్కువగా ఆకట్టుకుంటాడు.
సుదర్శన్: మోడీ ఈజ్ మై డాడీ కాన్సెప్ట్ తో పాటు పలు యూట్యూబ్ కాన్సెప్ట్స్ తో సుదర్శన్ సినిమాల్లో కూడా అవకాశం దక్కించుకున్నాడు. మెయిన్ గా తన భాషతో ఈ యాక్టర్ ఆడియెన్స్ ని అలరిస్తున్నాడు.
యోధా: ఎక్కువగా కామెడీ క్లిప్పింగ్స్ తో పాపులర్ అయినా యోధా అత్తా కోడలు కాన్సెప్ట్ తో ఆడియెన్స్ ని ఎట్రాక్ట్ చేసింది.
దీప్తి సునైనా: డబ్ స్మాష్ లతో ఎక్కువగా పాపులర్ అయినా దీప్తి బిగ్ బాస్ లో ఛాన్స్ కొట్టేసి తన క్రేజ్ ను పెంచుకుంది.
చాందిని చౌదరి: వైజాగ్ లో చదువుకున్న ఈ అమ్మాయి బిటెక్ టైమ్ లోనే షార్ట్ ఫిలిమ్స్ చేసింది. మొదట రాజ్ తరుణ్ తో మిస్టర్ ప్రొడక్షన్ లో వర్క్ చేసి గురింపు దక్కించుకుంది.
గ్రీకి రంజిత్: మొబైల్స్ అండ్ గాడ్జెట్స్ రివ్యూలు అందిస్తూ యూ ట్యూబ్ లో పాపులర్ అయినా రంజిత్ పక్క హైదరాబాదీ. రివ్యూలు ఇంగ్లీష్ లో ఉన్నప్పటికీ అందరికి అర్థమయ్యేలా చెబుతుంటారు.
ఫన్ బకెట్ స్టార్స్: ఈ షో గురించి తెలియని నెటిజన్ ఉండడు. దాదాపు ఈ స్టార్స్ అందరు నిత్యం ఎంటర్టైన్ చేస్తూనే ఉంటారు.
సంజయ్ తుమ్మ: ఫుడ్ కి సంబందించిన షోలతో చెఫ్ సంజయ్ తనకంటూ ఒక ప్రత్యేకమైన గుర్తింపు తెచ్చుకున్నారు.
చందు సాయి: పక్కింటి కుర్రాడిగా పవన్ కళ్యాణ్ అభిమానిలా మనోడు సోషల్ మీడియాలో ఒక స్టార్ గా కొనసాగవుతున్నాడు.
హారిక: దేత్తడి షోతో బాగా పాపులర్ అయిన హారిక ఎలాంటి డైలాగ్స్ అయినా స్ట్రాంగ్ గా చెప్పగలదు. గడసరి అమ్మాయిలా ఓ వర్గం ఆడియెన్స్ ని ఈ పిల్ల తెగ ఎట్రాక్ట్ చేస్తుంటుంది.
గంగవ్వ: డిఫరెంట్ స్టైల్ లో మై విలేజ్ షో తో పాపులర్ అయిన గంగవ్వ ఇస్మార్ట్ శంకర్ లో కూడా రామ్ తో నటించారు. న్యాచురల్ యాక్టింగ్ తో గంగవ్వ యూట్యూబ్ ఫెస్ట్ లో కూడా స్పెషల్ ఎట్రాక్షన్ గా నిలిచి అందరిని ఆకట్టుకున్నారు.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
