పవన్‌ కళ్యాణ్‌ వదిలేసిన సినిమాతో హిట్‌ కొట్టి లవర్‌ బాయ్‌గా స్టార్‌ ఇమేజ్‌ని సొంతం చేసుకున్న హీరో ఎవరో తెలుసా?

పవన్‌ కళ్యాణ్‌ హీరోగా నటించాల్సిన ఓ సినిమా మధ్యలోనే ఆగిపోయింది. దాన్ని మరో హీరోతో చేయగా, ఆయన ఫస్ట్ మూవీతోనే బ్రేక్‌ అందుకుని లవర్‌ బాయ్‌గా స్థిరపడిపోయాడు.  

పవన్‌ కళ్యాణ్‌ తన కెరీర్‌లో ఇప్పటి వరకు 28 సినిమాలు చేశారు. మరో మూడు సినిమాలు షూటింగ్‌ దశలో ఉన్నాయి. అయితే ఆయన చేయాలనుకుని ఆగిపోయిన సినిమాలు కూడా బాగానే ఉన్నాయి. వాటి లిస్ట్ తీస్తే పదికిపైగానే ఉంటాయి. అయితే ఓ సినిమాతో మాత్రం మరో హీరో ఫస్ట్ బ్రేక్‌ అందుకున్నాడు. ఇండస్ట్రీలో లవర్‌ బాయ్‌ ఇమేజ్‌తో స్టార్‌ హీరోగా ఎదిగాడు. 

పవన్‌ కళ్యాణ్‌ చేయాలనుకున్న సినిమాల్లో `చెప్పాలని ఉంది`. పవన్‌ కళ్యాణ్‌, అమీషా పటేల్‌ జంటగా ఈ మూవీని ప్లాన్‌ చేశారు ఏఎం రత్నం. సినిమాని కూడా ప్రారంభించారు. కానీ మధ్యలోనే ఆగిపోయింది. కారణాలు తెలియవు కానీ, ఈ మూవీ మొత్తంగానే పక్కన పెట్టారు. 

దీంతో ఇదే కథతో సినిమా మళ్లీ తెరకెక్కింది. అయితే టైటిల్‌ మారింది. కానీ కథ సేమ్‌. అప్పట్లో సక్సెస్‌లో ఉన్న దర్శకుడు కె విజయ్‌ భాస్కర్‌ ఈ మూవీని రూపొందించారు. అది తరుణ్‌ హీరోగా పరిచయం చేస్తూ చేయడం విశేషం. అప్పటి వరకు బాలనటుడిగా రాణించిన తరుణ్‌.. `నువ్వే కావాలి` సినిమాతో హీరోగా పరిచయం అయ్యారు. ఇందులో రిచా పల్లోడ్‌ హీరోయిన్‌. సాయి కిరణ్‌ మరో హీరోగా నటించాడు. రొమాంటిక్‌ లవ్‌ స్టోరీగా ఈ మూవీ తెరకెక్కింది. 2000లో విడుదలైంది. పెద్ద హిట్‌ అయ్యింది. 

తరుణ్‌ లవర్‌ బాయ్‌ ఇమేజ్‌ రావడంలో ఈ సినిమా ముఖ్య పాత్ర పోషించింది. తరుణ్‌ హీరోగా పరిచయం అవుతూ నటించిన తొలి సినిమానే పెద్ద బ్లాక్ బస్టర్‌ కావడంతో ఆయనకు సినిమాలు క్యూ కట్టాయి. ఇలా వరుసగా లవ్‌ స్టోరీస్‌ చేసి విజయాలు అందుకుని తక్కువ టైమ్‌లోనే లవర్ బాయ్‌గా స్టార్‌ ఇమేజ్‌ని సొంతం చేసుకున్నారు తరుణ్‌.

తిరుగులేని స్టార్‌గా ఎదిగారు. కానీ ఆ తర్వాత ఆయన డౌన్‌ అయిన విషయం తెలిసిందే. ఇప్పుడు సినిమాలకు దూరంగా ఉన్నారు. మొత్తంగా పవన్‌ వదిలేసిన సినిమా చేసి హీరోగా ఫస్ట్ బ్రేక్‌ అందుకోవడమే కాదు, లవర్‌ బాయ్‌గా స్టార్‌గా ఎదిగాడు తరుణ్‌. 

అదే సమయంలో పవన్‌కి వరుస విజయాలు ఉన్నాయి. 1998లో `సుస్వాగతం` పెద్ద హిట్‌. ఆ తర్వాత అదే ఏడాది `తొలి ప్రేమ`తో ఇండస్ట్రీని షేక్‌ చేశాడు. లవ్‌ స్టోరీస్‌లో ఇదొక ట్రెండ్‌ సెట్టర్‌గా నిలచింది. నెక్ట్స్ ఇయర్‌ `తమ్ముడు`తో మరో బ్లాక్‌ బస్టర్‌. నెక్ట్స్ ఇయర్‌ `బద్రి`తో హిట్‌.  

2001లో `ఖుషీ`తో సంచలన హిట్‌ని అందుకున్నారు పవన్‌. దీంతో ఆయన స్టార్‌ డమ్‌ ఎవరికీ అందనంత స్థాయికి చేరుకుంది. యూత్‌లో ఫాలోయింగ్‌ పెరగడానికి టాలీవుడ్‌లో అత్యంత యూత్‌ ఫాలోయింగ్‌ ఉన్న హీరోగా పవన్‌ ఎదిగారు. ఆ తర్వాత ఆయనకు వరుసగా పరాజయాలు వెంటాడాయి. 

ఇదిలా ఉంటే `చెప్పాలని ఉంది` పేరుతో కూడా సినిమా వచ్చింది. ఇందులో వడ్డే నవీన్‌ హీరోగా నటించగా, రాశీ హీరోయిన్‌గా చేసింది. చంద్ర మహేష్‌ దర్శకుడు. ఈ సినిమా ఫర్వాలేదనిపించింది. వడ్డే నవీన్‌కి హిట్‌ మూవీనే అని చెప్పొచ్చు. అయితే ఈ కథ కంప్లీట్‌గా వేరు కావడం విశేషం.