విజయ్ సేతుపతి ఆస్తుల విలువ ఎంత..? బిగ్ బాస్ కు ఎంత రెమ్యునరేషన్ తీసుకుంటున్నాడు..?

సినిమాల్లో రాణించాలనే కలతో ఎటవంటి బ్యాక్ గ్రౌండ్ లేకుండా వచ్చిన విజయ్ సేతుపతి, సినిమాల్లో చిన్న చిన్న పాత్రలు పోషించారు. ఆయనకు మంచి గుర్తింపు తెచ్చిన సినిమా తెన్మేర్కు పరువక్కాట్రు. సీను రామసామి దర్శకత్వంలో వచ్చిన ఈ సినిమాతో హీరోగా పరిచయం అయ్యారు. ఈ సినిమాకు జాతీయ అవార్డు కూడా వచ్చింది విజయ్ కి.

Also Read: రజినీకాంత్ కు రాజమౌళి ఛాలెంజ్, 25 ఏళ్ల తలైవా రికార్డ్ ను బ్రేక్ చేసిన జక్కన్న..

వరుసగా హిట్ సినిమాలతో స్టార్ హీరోగా ఎదిగారు విజయ్ సేతుపతి. కాని హీరోగానే కాకుండా విలన్, క్యారెక్టర్ ఆర్టిస్ట్ గా కూడా నటించారు. తమిళంతో పాటు తెలుగు, హిందీ, మలయాళ సినిమాల్లో కూడా స్టార్ ఇమేజ్ ను సాధించాడు విజయ్. 

తెలుగులో ఉప్పెన సినిమాలో విలన్ గా నటించిన విజయ్.. బాలీవుడ్ లో  షారుఖ్ ఖాన్ జవాన్ సినిమాలో విలన్ గా నటించి మంచి గుర్తింపు తెచ్చుకున్నారు. ఈ సినిమా వెయ్యి కోట్లకు పైగా వసూలు చేసింది. ఇటీవల బిగ్ బాస్ షోకి హోస్ట్ గా వ్యవహరించారు. కమల్ హాసన్ 7 సీజన్లకు హోస్ట్ గా వ్యవహరించగా, 8వ సీజన్ కు విజయ్ సేతుపతి హోస్ట్ గా వ్యవహరించారు.

బిగ్ బాస్ షోకి హోస్ట్ గా 60 కోట్ల రెమ్యునరేషన్ తీసుకున్నారట విజయ్ సేతుపతి.  సినిమాల్లో హీరోగా నటించడానికి 30 కోట్లు తీసుకుంటారు. బిగ్ బాస్ కి మాత్రం డబుల్ తీసుకున్నారు.

విజయ్ సేతుపతి ఇప్పటివరకు 50 సినిమాల్లో నటించారు. ఆయన ఆస్తుల విలువ 140 కోట్లు పైనే ఉంటుందని సమాచారం. ఇక  చెన్నైలో 50 కోట్ల విలువైన బంగ్లా ఉంది.

విజయ్ సేతుపతి తన సంపాదనలో ఎక్కువ భాగాన్ని రియల్ ఎస్టేట్ లో పెట్టుబడి పెడుతున్నారు. చెన్నైలో , ఎన్నూర్ లలో 100 ఎకరాలకు పైగా స్థలాలు ఉన్నాయని సమాచారం. మిని కూపర్, బిఎండబ్ల్యూ 7 సిరీస్, ఇన్నోవా, బెంజ్ వంటి కార్లు  కలిగి ఉన్నారు విజయ్ సేతుపతి.