- Home
- Entertainment
- Venky Anil 5: పూజా కార్యక్రమంలోనే హీరోయిన్లు మారిపోయారు..వెంకీ, కళ్యాణ్ రామ్ లకు షాక్.. 300 కోట్లపై కన్ను
Venky Anil 5: పూజా కార్యక్రమంలోనే హీరోయిన్లు మారిపోయారు..వెంకీ, కళ్యాణ్ రామ్ లకు షాక్.. 300 కోట్లపై కన్ను
వెంకటేష్, కళ్యాణ్ రామ్ కాంబోలో అనిల్ రావిపూడి తెరకెక్కించబోయే మల్టీస్టారర్ చిత్రం పూజా కార్యక్రమాలతో గ్రాండ్ గా ప్రారంభం అయింది. ఈ మూవీతో అనిల్ రావిపూడి మరోసారి 300 కోట్ల కలెక్షన్స్ పై కన్నేశారు.
అనిల్ రావిపూడి సినిమాలు
ఇటీవల కాలంలో వినోదాత్మక చిత్రాలతో ఫ్యామిలీ ఆడియన్స్ ని విపరీతంగా మెప్పిస్తున్న దర్శకులలో అనిల్ రావిపూడి ముందు వరుసలో ఉంటారు. అనిల్ కి సంక్రాంతి డైరెక్టర్ అనే పేరు ఉంది. అనిల్ తెరకెక్కించిన సినిమాలు ఎక్కువగా సంక్రాంతికి విడుదలై సూపర్ హిట్స్ అవుతుంటాయి.
మరోసారి 300 కోట్ల కలెక్షన్స్ పై కన్ను
అనిల్ రావిపూడి చివరి రెండు సినిమాలు సంక్రాంతికి వస్తున్నాం, మన శంకర వరప్రసాద్ గారు సంక్రాంతికి విడుదలై బాక్సాఫీస్ వద్ద 300 కోట్లకు పైగా వసూళ్లు సాధించాయి. తాజాగా అనిల్ రావిపూడి కొత్త చిత్రం ప్రారంభం అయింది. వెంకటేష్, కళ్యాణ్ రామ్ కాంబోలో అనిల్ రావిపూడి మల్టీస్టారర్ చిత్రం చేస్తున్నారు. గురువారం రోజు గ్రాండ్ గా పూజా కార్యక్రమాలతో ఈ చిత్రం ప్రారంభం అయింది.
వెంకీ, కళ్యాణ్ రామ్ కాంబోలో మూవీ
వెంకటేష్ తో అనిల్ కి ఇది 5 వ చిత్రం కాగా.. కళ్యాణ్ రామ్ తో రెండవది. ఈ మూవీ తో అనిల్ హ్యాట్రిక్ 300 కోట్ల కలెక్షన్స్ పై కన్నేశారు. ఈ చిత్రాన్ని కూడా సంక్రాంతికి రిలీజ్ చేయబోతున్నట్లు ప్రకటించారు. పూజా కార్యక్రమంతోనే అనిల్ రావిపూడి చిత్రాల్లో ఉండే అల్లరి మొదలైపోయింది.
నవ్వులు పూయించిన వెంకీ, కళ్యాణ్ రామ్
ఈ మూవీలో వెంకటేష్ కి జోడీగా కీర్తి సురేష్.. కళ్యాణ్ రామ్ కి జోడీగా కృతి శెట్టి హీరోయిన్లుగా ఎంపికయ్యారు. అల్లు అరవింద్ పూజా కార్యక్రమానికి అతిథిగా హాజరయ్యారు. ఆయనే ఈ చిత్రాన్ని ఫస్ట్ క్లాప్ తో ప్రారంభించారు. అల్లు అరవింద్ ఫస్ట్ క్లాప్ ఇచ్చే సమయంలో వెంకటేష్ పక్కన కృతి శెట్టి.. కళ్యాణ్ రామ్ పక్కన కీర్తి సురేష్ ఉన్నారు. క్లాప్ అయ్యాక అరె ఇదేంటి ఇది అని ఆశ్చర్యపోయి.. వెంకీ పక్కకు కీర్తి సురేష్.. కళ్యాణ్ రామ్ పక్కకు కృతి శెట్టి వెళ్లారు. వీరి అల్లరి అక్కడి నవ్వులు పూయించింది.
త్వరలో షూటింగ్ షురూ
సాహు గారపాటి ఈ చిత్రాన్ని షైన్ స్క్రీన్ బ్యానర్ పై నిర్మిస్తుండగా జీవీ ప్రకాష్ సంగీతం అందిస్తున్నారు. ఈ నెల 24 నుంచి రెగ్యులర్ షూటింగ్ ప్రారంభం అవుతుంది.
