ప్రేమని నమ్ముతూ మోసపోవడం బాధగా ఉంది.. వనిత భావోద్వేగ పోస్ట్

అయితే ఇటీవల వనిత తన 40వ బర్ద్ డే వేడుకను జరుపుకోవడానికి గోవా వెళ్లారు. ఆ సమయంలో అర్థరాత్రి పీటర్‌ బాగా తాగి మహిళపై అసభ్యంగా ప్రవర్తించాడు. ఆ విషయంలో ఎంతో ఓపికగా వ్యవహరించిన వనిత.. ఇక తన కోపాన్ని ఆపుకోలేక తన వద్ద ఉన్న పాలతో కొట్టింది. 

దీంతో వీరిద్దరు విడపోయారని, తన మూడో భర్తకి కూడా గుడ్‌బై చెప్పేసిందనే వార్తలు వినిపిస్తున్నాయి. ఈ నేపథ్యంలో వనిత స్పందించింది. ట్విట్టర్‌ ద్వారా తన విచారం వ్యక్తం చేసింది.

ప్రేమలో విఫలం కావడం అలవాటై పోయింది. కానీ వీటిని ఎదుర్కొనేందుకు ధైర్యంగా ఉన్నా. ప్రేమని నమ్ముతూ మోసపోవడం చాలా బాధగా, భరించలేని పెయిన్‌గా ఉంటుంది.  ఆ విషయం ఎవరికీ తెలియదని పేర్కొంది. 
 

ఇంకా చెబుతూ, మీ కళ్ల ముందు లైఫ్‌ని కోల్పోవడం చాలా బాధకరంగా ఉంటుంది. కానీ దాన్ని నేను ఎదుర్కొనాలి. ఇలా జరగకూడదని నేను చెప్పలేను. ఎందుకంటే జీవితం ఒక పాఠం. ఇంకా నేను నేర్చుకుంటున్నానని తెలిపింది. 
 

నకిలీ వార్తలను నమ్మవద్దని, వాటి గురించి మాట్లాడవద్దని పేర్కొంది. తాను ఏ తప్పు చేయలేదని, తనని తిట్టవద్దని చెప్పింది. ప్రేమ అవసరమైన వారికి ఇచ్చాను. నా కలలు, జీవితం ఆశలన్నీ చెదిరిపోయే స్థితిలో ఉన్నాను. ఈ విషయంలో పాజిటివ్‌గా ఉన్నాను, అదే సమయంలో భయం కూడా ఉంద`ని వనిత చెప్పింది.

నేను చాలా విషయాల్లో ధైర్యవంతరాలైనా మహిళను. ఇది కూడా దాటిపోతుందని ఆశిస్తున్నా. కానీ నన్ను మరో రూపంలో హింసించవద్దు. అది చాలా బాధగా ఉంటుంది. ప్రేమ మాత్రమే నన్ను ప్రభావితం చేస్తుంది. అద్భుతాలపై నమ్మకముంది. అలాంటి ఓ అద్భుతం జరుగుతుందనుకుంటున్నా. 

నిజానికి ఈ టైమ్‌లో నేను ఎవరికి వివరణ ఇవ్వాల్సిన అవసరం లేదు. ఇది నా జీవితం, దాన్ని నేనే ఫేస్‌ చేస్తున్నా. పీటర్‌ని విమర్శించి, నాకు సానుభూతి పలకాలని నేను కోరుకోవడం లేదు. పిల్లలు భవిష్యత్‌ని దృష్టిలో పెట్టుకుని ఓ మంచి నిర్ణయం తీసుకుంటున్నా. అద్భుతం జరుగుతుందని ఆశిస్తున్నా. దేన్నైనా ఫేస్‌ చేసేందుకు రెడీగా ఉన్నా` అని పేర్కొంది. అన్నట్టు వనిత తెలుగులో `దేవి` చిత్రంలో నటించింది.