అంబర్ పేట్ శంకరన్న ఇంట్లో బిగ్ బాస్ విన్నర్ పల్లవి ప్రశాంత్.. రైతు బిడ్డ ప్లాన్ ఏంటీ?

బిగ్ బాస్ తెలుగు 7వ సీజన్ విన్నర్ పల్లవి ప్రశాంత్ (Pallavi Prashanth)  తాజా పోస్ట్ ఆసక్తికరంగా మారింది. అంబర్ పేట్ శంకరన్నను మీట్ అవ్వడం సర్వత్రా చర్చనీయాంశంగా మారింది.

రియాలిటీ షో బిగ్ బాస్ తెలుగు (Bigg Boss Telugu)  సీజన్ 7 విన్నర్ గా పల్లవి ప్రశాంత్ నిలిచిన విషయం తెలిసిందే. ఈయన హౌజ్ లోకి ఎంట్రీ ఇచ్చిన మొదటి రోజు నుంచే ఆడియెన్స్ ను తనవైపు తిప్పుకోవడం ప్రారంభించారు.

ప్రతి టాస్క్ లోనూ సత్తా చాటుతూ కంటెస్టెంట్లకు ధీటుగా గేమ్స్ లో పెర్ఫామెన్స్ చూపిస్తూ వచ్చాడు. చివరిగా గురువుగా భావించిన శివాజీని (Shivaji) కూడా వెనక్కి నెట్టి విన్నర్ అయ్యాడు.

అయితే పల్లవి ప్రశాంత్ టైటిల్ అందుకున్న తర్వాత పెద్దగా ఎంజాయ్ చేయలేదనే విషయం తెలిసిందే. గొడవలు, కేసులు, విమర్శలతో సతమతమయ్యాడు. ఇప్పుడిప్పుడే ఆ సక్సెస్ ను చూస్తున్నాడు.

ఇక ఆయన గెలిస్తే రైతులకు డబ్బులు పంచుతానన్నమాటను కూడా నిలబెట్టుకుంటున్నాడు. రీసెంట్ గా ఒక కుటుంబానికి లక్ష రూపాయలు, ఏడాదికి సరిపడా బియ్యం కూడా పంపిణీ చేశాడు.

ఇలా ప్రశాంత్ తనక్రేజ్ కు తగ్గట్టుగా పనులు చేస్తున్నారు. సోషల్ మీడియాలోనూ యాక్టివ్ గా కనిపిస్తూ తన అభిమానులు, ఫాలోవర్స్ ను ఆకట్టుకుంటున్నారు. ఈ క్రమంలో లేటెస్ట్ గా ప్రశాంత్ పోస్ట్ ఆసక్తికరంగా మారింది.

తాజాగా అంబర్ పేట్ శంకరన్న ఇంట్లో కనిపించడం.. ఆయనతో పలు విషయాలపై చర్చించడం ఇప్పుడు హాట్ టాపిక్ గ్గా మారింది. పాలిటిక్స్ లో రాబోతున్నాడనే ప్రచారం మధ్య రైతు బిడ్డ ఏం ప్లాన్ చేస్తున్నారనేది చర్చగా మారింది.