Bigg Boss Telugu 7: అర్జున్ కి బిగ్ బాస్ అన్యాయం... ఫైనల్ కి వెళ్లే ఛాన్సులు గల్లంతు!

బిగ్ బాస్ సీజన్ 7 చివరి దశకు చేరింది. హౌస్లో టాప్ టెన్ కంటెస్టెంట్స్ ఉన్నారు. ఎలిమినేషన్ నుండి కాపాడుకునే అవిక్షన్ పాస్ అర్జున్ కి ఇచ్చినట్లే ఇచ్చి లాక్కున్నారు. ఇప్పుడు ఎవరికి దక్కింది.   

Bigg Boss Telugu 7

బిగ్ బాస్ తెలుగు 7 ముగింపు దశకు చేరుకుంది. 11వ వారం నడుస్తోంది. గత ఆదివారం భోలే ఎలిమినేట్ అయ్యాడు. ఇక ఈ వారానికి అమర్ దీప్, అర్జున్, అశ్విని, గౌతమ్, ప్రియాంక, శోభ, యావర్, రతిక నామినేట్ అయ్యారు. వీరిలో ఒకరు ఎలిమినేట్ కానున్నారు. 

11వ వారం హౌస్లో అవిక్షన్ పాస్ కోసం పోటీ మొదలైంది. ఈ పాస్ గెలుచుకున్న సభ్యుడు ఎలిమినేషన్ నుండి తనను తాను సేవ్ చేసుకోవచ్చు. లేదా తనకు నచ్చిన కంటెస్టెంట్ కోసం వాడొచ్చు. సీజన్ 7 అవిక్షన్ పాస్ వలన దక్కే ప్రయోజనాలు ఏమిటో ఇంకా పూర్తి చెప్పలేదు. 

1 నుండి 10 వరకు నెంబర్స్ కలిగిన బోర్డులు గార్డెన్ ఏరియాలో ఉంచిన బిగ్ బాస్ ఎవరిది ఏ ర్యాంక్ అని భావిస్తున్నారో చెప్పాలి అన్నారు. అందరూ టాప్ ఫైవ్ కోసం పోటీపడ్డారు. అయితే మెజారిటీ సభ్యుల నిర్ణయం మేరకే ఆ ర్యాంక్స్ దక్కుతాయి. శివాజీ, యావర్, ప్రశాంత్, ప్రియాంక, శోభలకు వరుసగా టాప్ ఫైవ్ ర్యాంక్స్ దక్కాయి. 

అమర్, అర్జున్, గౌతమ్, అశ్విని, రతిక వరుసగా బాటమ్ ఫైవ్ ర్యాంక్స్ లో నిల్చున్నారు. అయితే బిగ్ బాస్ బాటమ్ 5 లో ఉన్న కంటెస్టెంట్స్ కి అవిక్షన్ పాస్ దక్కుతుందని ట్విస్ట్ ఇచ్చాడు. దీంతో అర్జున్, అమర్, గౌతమ్, రతిక, అశ్విని అవిక్షన్ పాస్ కోసం పోటీపడ్డారు. అర్జున్ గెలిచిన నేపథ్యంలో అతడికి అవిక్షన్ పాస్ దక్కింది. 

కాగా బిగ్ బాస్ మరో మెలిక పెట్టాడు. టాప్ ఫైవ్ లో ఉన్న శివాజీ, యావర్, ప్రశాంత్, ప్రియాంక, శోభలతో పోటీపడి గెలుచుకోవాలని మరో మెలిక పెట్టారు. దీనిలో భాగంగా యావర్ తో ఓ గేమ్  లో పోటీపడ్డారు అర్జున్. అటూ ఇటూ ఊగుతూ ఉండే బోర్డు అంచున చుట్టూ ఉన్న రాడ్స్ మీద బాల్స్ పడిపోకుండా అమర్చాలి. 

ఈ గేమ్ లో యావర్ గెలిచాడు. ఈ గేమ్ కి అమర్ సంచాలక్ గా ఉన్నాడు. యావర్ గెలిచినప్పటికీ ఫెయిర్ గా ఆడలేదని కొందరి కంటెస్టెంట్స్ అభిప్రాయం. ఆ సంగతి అటుంచితే... అవిక్షన్ పాస్ అర్జున్ కి ఇచ్చినట్లే ఇచ్చి బిగ్ బాస్ ఉల్టా పల్టా నిర్ణయాలతో లాక్కున్నాడు. తేలికగా ఫైనల్ కి వెళ్లే ఆశలు గల్లంతు అయ్యాయి.