Ashu Reddy : రాహుల్ సిప్లిగంజ్ గురించి అషురెడ్డి పోస్ట్.. స్టార్ సింగర్ ను టార్గెట్ చేసిన నెటిజన్లు!

బిగ్ బాస్ ఫేమ్ అషురెడ్డి (Ashu Reddy) లెటెస్ట్ పోస్ట్ ఆసక్తికరంగా మారింది. స్టార్ సింగర్ రాహుల్ సిప్లిగంజ్ గురించి మాట్లాడుతూ తన పంచుకున్న పోస్ట్ నెట్టింట వైరల్ గా మారింది. ఇంతకీ ఏమంటున్నదంటే...

‘డబ్ స్మాష్’ వీడియోలతో అషురెడ్డి ఫేమస్ అయిన విషయం తెలిసిందే. స్టార్ హీరోయిన్ సమంత రూత్ ప్రభు (Samantha Ruth Prabhu) పోలికలు కలిగి ఉండటంతో మంచి క్రేజ్ దక్కించుకుంది. 

అప్పట్లో జూ.సమంతగా సోషల్ మీడియాలో సెన్సేషన్ క్రియేట్ చేసింది. ఆ వెంటనే సంచలన దర్శకుడు రామ్ గోపాల్ వర్మ (Ram Gopal Varma)తో ఇంటర్వ్యూ చేసి మరింత క్రేజ్ దక్కించుకుంది. 

ఇదిలా ఉంటే.. బిగ్ బాస్ తెలుగు (Bigg Boss Telugu) సీజన్ 3తో టీవీ ఆడియెన్స్ కు బాగా దగ్గరైంది. అప్పటి నుంచి సోషల్ మీడియాలో బాగా యాక్టివ్ గా ఉంటూ వస్తోంది. 

నెట్టింట ఎప్పుడూ తన అభిమానులకు ఈ ముద్దుగుమ్మ అందుబాటులోనే ఉంటుంది. తన గురించిన ఇంట్రెస్టింగ్ అప్డేట్స్ ను అందిస్తూ వస్తోంది. ఫ్యాన్స్ ను మరింతగా ఆకట్టుకుంటోంది.

అయితే తాజాగా మాత్రం అషురెడ్డి తన రూమర్డ్ బాయ్ ఫ్రెండ్ అంటూ ప్రచారం జరుగుతున్న స్టార్ సింగర్ రాహుల్ సిప్లిగంజ్ (Rahul Sipligunj)  గురించి ఇంట్రెస్టింగ్ గా పోస్ట్ పెట్టింది. 

రాహుల్ సిప్లిగంజ్ ’ఎల్లప్పుడూ ది బెస్ట్’ అంటూ తన అభిప్రాయాన్ని వ్యక్తం చేసింది. ఈ సందర్బంగా వీరిద్దరూ స్నేహభావంతో ఉన్న ఫొటోను అభిమానులతో పంచుకుంది.