నయనతార, మంజు వారియర్.. పారితోషికంలో టాప్ 7 హీరోయిన్స్

నటన పరంగా మలయాళ హీరోయిన్లకి ప్రత్యేక స్థానం ఉంటుంది. వాళ్లు బాగా నటిస్తారనే పేరు పడిపోయింది. అదే సమయంలో గ్లామర్‌ షోకి దూరంగా ఉంటారు. అద్భుతమైన నటనతోనే మ్యాజిక్‌ చేస్తారని అంటుంటారు. మరి ఈ మాలీవుడ్‌ హీరోయిన్లు పారితోషికం విషయంలో ఎలా ఉంటారు? ఎంత తీసుకుంటారనేది చూస్తే. 

బిగ్‌ బాస్‌ తెలుగు 8 అప్‌ డేట్స్ కోసం ఇక్కడ క్లిక్‌ చేయండి.

కోలీవుడ్‌ హీరోయిన్‌గా రాణిస్తున్న నయనతారది మలయాళమే. అక్కడి నుంచే వచ్చింది. కానీ బౌండరీలు బ్రేక్‌ చేసి ఎక్స్ పోజింగ్‌ చేసి మెప్పించింది. ఇప్పుడు లేడీ సూపర్‌ స్టార్‌గా రాణిస్తుంది.  గత సంవత్సరం షారుఖ్ ఖాన్‌తో కలిసి బాలీవుడ్ చిత్రం `జవాన్‌`లో నటించారు. ఈ చిత్రం ప్రపంచవ్యాప్తంగా దాదాపు 1000 కోట్లకు పైగా వసూలు చేసి, ఆమె మార్కెట్‌ను పెంచింది. ప్రస్తుతం దక్షిణ భారత చిత్ర పరిశ్రమలో అత్యధిక పారితోషికం తీసుకునే నటీమణుల జాబితాలో నయనతార అగ్రస్థానంలో ఉన్నారు. ఒక్కో సినిమాకు 7 కోట్ల నుండి 10 కోట్ల రూపాయల వరకు పారితోషికంగా తీసుకుంటున్నారు.

మంజు వారియర్ మలయాళ సినిమాను దాటి వివిధ భాషా చిత్రాలలో నటిస్తున్నారు. ఇటీవల రజనీకాంత్‌తో 'వేట్టయాన్‌` చిత్రంలో నటించిన ఆమె, త్వరలో విడుదల కానున్న 'విడుదల' చిత్రంలో విజయ్ సేతుపతికి జంటగా నటించారు. ఈ చిత్రానికి 3 కోట్ల రూపాయల వరకు పారితోషికం తీసుకున్నట్లు తెలుస్తోంది.

మలయాళ చిత్ర పరిశ్రమలో ప్రతిభావంతురాలైన నటిగా పేరుగాంచిన పార్వతి తిరువోతు, పారితోషికం కంటే కథలకు ప్రాధాన్యత ఇస్తారు. నిర్మాతల కష్టాలను అర్థం చేసుకుని, వారికి తగినట్లుగా తన పారితోషికం నిర్ణయిస్తారు. ఆమె మలయాళ చిత్ర పరిశ్రమలో 35 లక్షల నుండి 1 కోటి రూపాయల వరకు పారితోషికం తీసుకుంటున్నట్లు తెలుస్తోంది.

మలయాళ చిత్ర పరిశ్రమకు చెందిన అమలా పాల్, ఇతర భాషల్లోనూ ప్రముఖ నటుల సరసన నటించి పేరు తెచ్చుకున్నారు. అతిథి పాత్రకు 25 లక్షల రూపాయలు పారితోషికంగా తీసుకునే ఆమె, ప్రధాన పాత్రలకు 1 కోటి రూపాయల వరకు పారితోషికం తీసుకుంటున్నారు.

మలయాళ సినిమాతో పరిచయమైన సంయుక్త మీనన్, ప్రస్తుతం ఇతర భాషా చిత్రాలలో కూడా బిజీగా నటిస్తున్నారు. చాలా తక్కువ సమయంలోనే తనకంటూ అభిమానులను సంపాదించుకున్నారు. తాను నటించే చిత్రాలకు 70 లక్షల రూపాయలు పారితోషికంగా తీసుకుంటున్నారు.

మలయాళ సినిమాలో మరో ప్రముఖ నటి ఐశ్వర్య లక్ష్మి, ఒక్కో సినిమాకు 35 లక్షల నుండి 50 లక్షల రూపాయల వరకు పారితోషికం తీసుకుంటున్నారు. ఆమె తమిళంలో 'జగమే తంత్రం', 'పొన్నియిన్ సెల్వన్', 'కట్టా కుస్తీ' వంటి చిత్రాలలో నటించారు.

 ప్రముఖ దర్శకుడు ప్రియదర్శన్ - లిస్సీ దంపతుల కుమార్తె కళ్యాణి ప్రియదర్శన్, ఒక్కో సినిమాకు 35 లక్షల నుండి 50 లక్షల రూపాయల వరకు పారితోషికం తీసుకుంటున్నట్లు తెలుస్తోంది. సాధారణంగా తమిళం, తెలుగు, కన్నడ చిత్ర పరిశ్రమలతో పోలిస్తే మలయాళ చిత్ర పరిశ్రమలో నటీమణులకు తక్కువ పారితోషికమే ఇస్తున్నారు. ఈ 7గురే 50 లక్షలకు పైగా పారితోషికం తీసుకుంటున్న నటీమణులని చెబుతున్నారు.

read more:సమంత తండ్రి తెలుగువారా? చెన్నై లో ఏం చేసేవారో తెలుసా? ఫ్యామిలీ డిటెయిల్స్

also read: ఒకే పాట్నర్‌ని రెండుసార్లు పెళ్లి చేసుకున్న స్టార్స్