బ్రహ్మానందంకి వందల కోట్ల ఆస్తులు ఎలా సాధ్యం అయ్యాయి, అంతకి మించిన గొప్ప హాస్యనటులు లేరా ?

Brahmanandam: బ్రహ్మానందం భారత చిత్ర పరిశ్రమలోనే గొప్ప హాస్య నటుల్లో ఒకరు. అంతే కాదు ఇండియాలో రిచెస్ట్ కమెడియన్ ఆయనే. బ్రహ్మానందంతో పాటు చాలా మంది కమెడియన్లు ఉన్నారు. కానీ బ్రహ్మానందం స్థాయిలో పాపులర్ కాలేదు.

Brahmanandam

బ్రహ్మానందం భారత చిత్ర పరిశ్రమలోనే గొప్ప హాస్య నటుల్లో ఒకరు. అంతే కాదు ఇండియాలో రిచెస్ట్ కమెడియన్ ఆయనే. బ్రహ్మానందంతో పాటు చాలా మంది కమెడియన్లు ఉన్నారు. కానీ బ్రహ్మానందం స్థాయిలో పాపులర్ కాలేదు. బ్రహ్మానందం కొన్ని వందల చిత్రాల్లో నటించారు. బ్రహ్మనందం కీలక పాత్రలో తాజాగా నటించిన బ్రహ్మ ఆనందం చిత్రం నేడు ప్రేక్షకుల ముందుకు వచ్చింది. ఈ సందర్భంగా బ్రహ్మికి సంబంధించిన విశేషాలు వైరల్ అవుతున్నాయి. 

1986లో చంటబ్బాయి చిత్రంతో బ్రహ్మానందం కెరీర్ ప్రారంభం అయింది. జంధ్యాల తెరకెక్కించిన ఆహనా పెళ్ళంట చిత్రంలో బ్రహ్మానందం కోటా శ్రీనివాస రావు ఇంట్లో పనివాడిగా చేసిన పాత్ర ఆయన కెరీర్ ని మార్చేసింది. ఆ తర్వాత బ్రహ్మానందం అవకాశం వచ్చిన ప్రతి చిత్రంలో నటిస్తూ వచ్చారు. ఒక దశకి వచ్చేసరికి బ్రహ్మానందం పాత్ర లేకండా టాలీవుడ్ దర్శకులు కథలు రాసేవారు కాదు. అంతలా బ్రహ్మి పాత్ర తెలుగు ఆడియన్స్ కి అలవాటు అయిపోయింది. 

చాలా చిత్రాల్లో బ్రహ్మి కోసమే సపరేటు కామెడీ ట్రాకులు రాశారు. క్రమంలో టాలీవుడ్ బ్రహ్మి అత్యధిక రెమ్యునరేషన్ అందుకే కమెడియన్ గా మారిపోయారు. ఒక దశలో బ్రహ్మికి నిర్మాతలు రోజుకి 3 నుంచి 4 లక్షల పారితోషికం చెల్లించాల్సి వచ్చేది. ప్రస్తుతం బ్రహ్మానందం ఆస్తి 500 కోట్లు దాటిపోయింది అని సమాచారం. ఎంత రెమ్యునరేషన్ తీసుకున్నప్పటికీ ఒక కమెడియన్ కి అన్ని వందల కోట్లు సంపాదించడం ఎలా సాధ్యం అని అంతా ఆశ్చర్యపోతున్నారు. 

Brahmanandam comedy

బ్రహ్మానందంది కామెడీలో ప్రత్యేకమైన శైలి. హావభావాలు, డైలాగులు, బాడీ లాంగ్వేజ్ ప్రతి ఒక్కటీ నవ్వులు పూయించేలా ఉంటాయి. అందుకే బ్రహ్మి అంత పాపులర్ అయ్యారు. గతంలో రాజబాబు, రేలంగి లాంటి అద్భుతమైన కమెడియన్లు ఉండేవారు. రాజా బాబు అయితే సంపాదించింది మొత్తం దానాలు, విలాసాలకు ఖర్చు చేసి చివరి రోజుల్లో దరిద్రం అనుభవించారట. 

Brahmanandam Assets

కానీ బ్రహ్మనందం పేద కుటుంబం నుంచి వచ్చారు. రూపాయిని ఎంత జాగ్రత్తగా కాపాడుకోవాలి, దాని విలువ ఏంటి అనేది తెలిసిన మనిషి బ్రహ్మి. విలాసాలకు బ్రహ్మి అసలు ఖర్చు చేయరు. సంపాదించిన ప్రతి రూపాయని కుటుంబం కోసం కొత్త ఖర్చు చేసి మరికొంత వ్యాపారాల్లో పెట్టుబడిగా పెట్టారు. బ్రహ్మి రియల్ ఎస్టేట్ లో కూడా రాణించారట. ఇతర వ్యాపారాలు, కోట్ల విలువైన భూములు ఉన్నాయి. ఆ విధంగా బ్రహ్మి తన ఆస్తులు పెంచుకుంటూ నేడు ఇండియాలోనే రిచెస్ట్ కమెడియన్ గా ఎదిగారు. బ్రహ్మానందంకి దైవ భక్తి కూడా ఎక్కువే. 

బ్రహ్మానందం తరహాలో నవ్వించిన ఏవీఎస్, ధర్మవరపు సుబ్రహ్మణ్యం, ఎమ్మెస్ నారాయణ ఉన్నారు. కానీ వీరెవరూ బ్రహ్మి తరహాలో సుదీర్ఘంగా సినిమాల్లో కొనసాగలేదు. బ్రహ్మానందం ని ఫ్యాన్స్ ముద్దుగా బ్రహ్మి అని, మీమ్ గాడ్ అని పిలుస్తుంటారు. మన్మథుడు, నువ్వు నాకు నచ్చావ్, వెంకీ, దూకుడు లాంటి చిత్రాల్లో బ్రహ్మి హావభావాలు మీమ్స్ కి స్టఫ్ గా మారాయి.