మన స్టార్ హీరోల జీవితాలకు బూస్ట్ ఇచ్చిన బాక్స్ ఆఫీస్ హిట్స్
ఒకే ఒక్క సినిమాతో కెరీర్ మారిపోతుంది అనడంలో ఎలాంటి సందేహం లేదు. ఆ విధంగా సక్సెస్ లను చూసిన కొంతమంది స్టార్ హీరోల కెరీర్ లో బెస్ట్ బాక్స్ ఆఫీస్ హిట్స్ పై ఒక లుక్కేద్దాం పదండి.
సింహాద్రి: నందమూరి వారసుడిగా జూనియర్ ఎన్టీఆర్ బాక్స్ ఆఫీస్ వద్ద తనకంటూ ఒక గుర్తింపు తెచ్చుకున్నాడు అంటే. అది సింహాద్రి వల్లే. మాస్ ఆడియెన్స్ కి దగ్గర చేసిన ఈ సినిమా 52 సెంటర్స్ లో 175 రోజులు ఆడింది. మొత్తంగా 14 కోట్ల లాభాలను అందించి ఎన్టీఆర్ కెరీర్ కి మంది బూస్ట్ ఇచ్చింది.
రామ్ చరణ్: మగధీర సినిమాతో ఈ మెగా హీరో ఇండస్ట్రీ హిట్ ను అందుకున్నాడు. 75కోట్లకు పైగా లాభాల్ని అందించిన ఆ సినిమా రామ్ చరణ్ రేంజ్ ని పెంచింది.
మహేష్ ను బాక్స్ ఆఫీస్ వద్ద రారాజుని చేసిన సినిమా పోకిరి. ఈ సినిమా 41 కోట్ల షేర్స్ తో అప్పట్లో ఇండస్ట్రీ హిట్ గా నిలిచింది.
ప్రభాస్ కెరీర్ ఒక్కసారిగా మాస్ మార్కెట్ లో యూ టర్న్ తీసుకుందంటే అది ఛత్రపతి వల్లే సాధ్యమైంది. ఈ సినిమా 22కోట్ల వరకు లాభాల్ని అందించింది.
గంగోత్రి సినిమాతో మంచి గుర్తింపు తెచ్చుకున్న అల్లు అర్జున్ ఫస్ట్ బాక్స్ ఆఫీస్ హిట్ ఆర్య. 16 కోట్ల షేర్స్ తో బన్నీ మార్కెట్ ను పెంచిన ఈ సినిమా డైరెక్టర్ సుకుమార్ కెరీర్ కి కూడా మంచి బూస్ట్ ఇచ్చింది.
వరుస అపజయాలతో న్యాచురల్ స్టార్ నాని కెరీర్ సందిగ్ధంలో పడ్డ సమయంలో ఎనర్జీనిచ్చిన సినిమా బలే బలే మగాడివోయ్. ఈ సినిమా 34 కోట్లతో నాని గారి రేంజ్ ని పెంచేసింది.
విజయ్ దేవరకొండ - అర్జున్ రెడ్డితో రౌడీ బాయ్ ఎలాంటి వండర్స్ క్రియేట్ చేశాడో స్పెషల్ గా చెప్పనవసరం లేదు - 25 కోట్లు (షేర్)
ఇష్క్ సినిమాతో రికవర్ అయినప్పటికీ నితిన్ కి కూడా 50 కోట్ల మార్కెట్ ఉందని నిరూపించిన సినిమా అఆ
శతమానం భవతి సినిమాతో శర్వా కెరీర్ ఒక్కసారిగా మారిపోయింది. 33కోట్ల లాభాలతో ఈ చిన్న సినిమా బాక్స్ ఆఫీస్ వద్ద సరికొత్త రికార్డ్ క్రియేట్ చేసింది.
తనకు సెట్టయ్యే కథతో వస్తే ఏ హీరో అయినా బాక్స్ ఆఫీస్ హిట్ అందుకోగలడని నాగ శౌర్య నిరూపించాడు. ఛలో సినిమాను సొంతంగా నిర్మించి 12 కోట్ల లాభాల్ని అందుకున్నాడు ఈ యువ హీరో.
నిఖిల్ సిద్దార్థ్ - స్వామి రారా
ఏ మాయ చేసావే సినిమాతో ఫస్ట్ సక్సెస్ అందుకున్నప్పటికీ నాగ చైతన్యకు బాక్స్ ఆఫీస్ వద్ద మంది హిట్ దక్కింది మాత్రం 100% లవ్ తోనే. ఈ సినిమా 18 కోట్ల షేర్స్ తో హీరో కెరీర్ ని మార్చేసింది .
గోపీచంద్: కష్టపడి విలన్ గా గుర్తింపు తెచ్చుకున్న గోపి హీరోగా లక్ష్యం ద్వారా బాక్స్ ఆఫీస్ వద్ద క్లిక్కయ్యాడు. ఆ సినిమా అప్పట్లో గోపి మార్కెట్ ను 12 కోట్లకు పెంచేలా కలెక్షన్స్ ను అందుకుంది.
రాజ్ తరుణ్: కుమారి 21F ద్వారా బాక్స్ ఆఫీస్ వద్ద రాజ్ తరుణ్ మొదటిసారి 30 కోట్లకు పైగా మార్కెట్ ను అందుకున్నాడు.
హీరోగా మొదట పెద్దగా హిట్స్ అందుకోలేకపోయిన రానా బాహుబలి తరువాతే హీరోగా మంచి సక్సెస్ లను అందుకుంటున్నాడు.
రామ్ పోతినేని: కెరీర్ లో ఎక్కువ అపజయాలు అందుకున్న యువ హీరో రామ్ కి చాలా ఏళ్ల తరువాత బూస్ట్ ఇచ్చిన సినిమా నేను శైలజా. ఆ సినిమా 20 కోట్ల లాభాలను అందించింది.
మెగా హీరో వరుణ్ తేజ్ ఫస్ట్ అండ్ బెస్ట్ హిట్ ఫిదా. 48కోట్లకు పైగా షేర్స్ అందించిన ఈ సినిమా సాయి పల్లవి - డైరెక్టర్ శేఖర్ కమ్ముల జీవితాల్ని కూడా మార్చేసింది.
క్లిక్ చేసి ఏసియా నెట్ న్యూస్ తెలుగు వాట్సాప్ చానెల్·ను ఫాలో అవ్వండి
