స్టార్ హీరో విజయ్ దేవరకొండ పై కుర్ర హీరోయిన్ల కన్ను? ఏమంటున్నారంటే?

టాలీవుడ్ ప్టార్ హీరో, యూత్ సెన్సేషన్ విజయ్ దేవరకొండ గత మూడు చిత్రాలతో ఫ్లాప్ లనే మూటగట్టుకున్నారు. చివరిగా పాన్ ఇండియా స్థాయిలో విడుదలైన ‘లైగర్’ సైతం భారీ అంచనాలతో వచ్చి ఘోర పరాజయాన్ని మిగిల్చింది. దీంతో నెక్ట్స్ సినిమాలపై విజయ్ ఫోకస్ పెట్టారు. 
 

వరుసగా విజయ్ సినిమాలు ఫ్లాఫ్ అవుతున్నా.. రౌడీ క్రేజ్ ఏమాత్రం తగ్గడం లేదు. రోజురోజుకు మరింతగా పెరుగుతోంది. ఈక్రమంలో యంగ్ హీరోయిన్లలోనూ విజయ్ క్రేజ్ బాగానే పెరిగిపోతోంది. విజయ్ సరసన నటించేందుకు సిద్ధమంటే సిద్ధమంటున్నారు. 

స్టార్ హీరోయిన్ సమంత (Samantha) ‘మహానటి’ చిత్రంలో విజయ్ తో కలిసి నటించిన విషయం తెలిసిందే. అప్పుడే ఈ సెన్సేషనల్ స్టార్ తో నటించడం చాలా సులభంగా, కంఫర్ట్ గా ఉంటుందని బిగ్ కాంప్లిమెంట్ అందించారు. ప్రస్తుతం శివ నిర్వాణ దర్శకత్వంలో తెరకెక్కుతున్న ‘ఖుషి’లో విజయ్ సరసన నటిస్తున్నారు సమంత. 
 

మలయాళం హీరోయిన్ మాళవికా మోహనన్ (Malavika Mohanan) కూడా విజయ్ సరసన నటించే ఛాన్స్ కోసం ఎదురుచూస్తున్నారు. గతంలో ఫ్యాన్స్ తో నిర్వహించిన చాట్ సెషన్ లో ‘విజయ్ దేవరకొండ సరసన నటించాలని ఉంది’ అంటూ ఓపెన్ కామెంట్ చేశారు. గతంలో వీరద్దరి జంటగా ‘హీరో’ సినిమా ప్రారంభమై ఆగిపోయింది. ఇక మరో అవకాశం కోసం ఎదురుచూస్తున్నట్టు తెలిపారు. 
 

బాలీవుడ్ యంగ్ బ్యూటీ జాన్వీ కపూర్ (Janhvi Kapoor) గతేడాది  వచ్చిన ‘కాఫీ విత్ కరణ్ జోహార్’ సీజన్ లో  విజయ్ దేవరకొండపై ఆసక్తికరమైన కామెంట్స్ చేసిన విషయం తెలిసిందే. ఈక్రమంలో విజయ్ సరసన నటించే ఛాన్స్ వస్తే వదులుకోనని కూడా చెప్పుకొచ్చింది. వీరి జంటగా ‘జన గణ మన’ వస్తుందని భావించారు. కానీ పూజా ఫైనల్ అయ్యారు. ‘లైగర్’డిజాస్టర్ తో ప్రస్తుతం ఈ సినిమా ఆగిపోయిన విషయం తెలిసిందే. 

ఇక తాజాగా వర్ధమాన నటి ప్రగ్యా నయన్ (Pragya Nayan) కూడా విజయ్ దేవరకొండ సరసన నటించేందుకు సై అంటున్నారు. ‘సురాపానం’ చిత్రంతో క్రేజ్ దక్కించుకున్న ఈ బ్యూటీ.. ప్రస్తుతం ‘చక్రవ్యూహం’,‘దిల్ వాలే’ చిత్రాల్లో నటిస్తున్నారు. ‘దిల్ వాలే’ సినిమా షూటింగ్ కోసం విశాఖకు వెళ్లిన ఈ బ్యూటీ ఓమీడియాతో చిట్ చాట్ చేశారు. ఈ సందర్భంగా ఆమె మాట్లాడుతూ.. టాలీవుడ్ లో అందరూ హీరోలతో పనిచేయాలని ఉంటుంది.. ముఖ్యంగా విజయ్ దేవరకొండతో నటించాలని ఉందని తెలిపారు. ఇక బన్నీ అంటే ఇష్టమని, పవన్ కళ్యాణ్ సినిమాలోనూ అవకాశం వస్తే వదులుకోనన్నారు.