50 కోట్లు తీసుకుంటూ పిల్లల ఫీజులు కట్టలేవా.. సినిమాలన్నా పూర్తి చేసుకో, పవన్ పై ఘాటుగా తమ్మారెడ్డి

పొలిటికల్ గా బిజీగా ఉంటున్న జనసేనాని పవన్ కళ్యాణ్ సినిమాలని కూడా బ్యాలెన్స్ చేస్తున్నారు. పవన్ ప్రస్తుతం క్రిష్ జాగర్లమూడి దర్శకత్వంలో హరిహర వీరమల్లు చిత్రంలో నటిస్తున్నారు. అలాగే హరీష్ శంకర్ దర్శకత్వంలో కూడా భవదీయుడు భగత్ సింగ్ అనే మూవీ చేయాల్సి ఉంది.  నేడు తాజాగా సుజీత్ దర్శకత్వంలో డివివి దానయ్య నిర్మాణంలో OG(ఒరిజినల్ గ్యాంగ్స్టర్) అనే చిత్రాన్ని ప్రారంభించారు. 

పవన్ కళ్యాణ్ పై పొలిటికల్ గా చాలా విమర్శలు వినిపిస్తుంటాయి. కానీ తాజాగా దర్శక నిర్మాత తమ్మారెడ్డి భరద్వాజ పవన్ పై విరుచుకుపడుతూ ఘాటైన వ్యాఖ్యలు చేశారు. ఇటీవల పవన్ కళ్యాణ్ జనసేన పార్టీ మీటింగ్ లో చేసిన వ్యాఖ్యలపై తమ్మారెడ్డి స్పందించారు. 

పవన్ కళ్యాణ్ జనసేన పార్టీ మీటింగ్ లో.. తన పిల్లల కోసం దాచుకున్న డబ్బుతో పార్టీ ఆఫీస్ నిర్మించానని కామెంట్స్ చేశారు. దీనిపై తమ్మారెడ్డి మాట్లాడుతూ.. మార్కెట్ లో వినిపిస్తున్న దానిప్రకారం మీరు 50 నుంచి 80 కోట్ల వరకు రెమ్యునరేషన్ తీసుకుంటారని అంటున్నారు. అంత రెమ్యునరేషన్ తీసుకుంటూ పిల్లల ఫీజులు కట్టలేరా.. అసలు ఎం మాట్లాడుతున్నారు. మీ కుటుంబ సభ్యుల పేర్లు చెప్పి రాజకీయాల్లో అల్లరి చేస్తారు. 

మీ నాన్న గారు దేవుడు దీపం వద్ద సిగరెట్ వెలిగించుకున్నారు అని అన్నారు. మీ నాన్నగారు నా పర్సనల్ గా తెలుసు. ఆయన అలా ప్రవర్తిస్తారని అనుకోను. ప్రత్యేక హోదా కోసం మీరు పోరాటం చేయరు. కనీసం జైలుకు వెళ్ళలేదు. అంత మంది బౌన్సలర్లతో బిల్డప్ ఎందుకు ? నేను సామాన్యుడినే అంటారు కదా ? అలాగే వెళ్లి ప్రజల్ని కలవండి.. మీ కోసం ఎంత మంది ఎదురుచూస్తున్నారో తెలుసా అని ప్రశ్నించారు. 

వారానికి ఒకసారి రావడం.. మీటింగ్ పెట్టి తిట్టి వెళ్లిపోవడం.. ఎందుకు ఇదంతా. టైం వేస్ట్. ఆ ఒక్కరోజు కూడా రావద్దు. పెండింగ్ లో ఉన్న సినిమాలు అయినా పూర్తి చేయండి. సినిమాలు చేస్తూనే ఉన్నారు.. రాజకీయాలు చేస్తున్నారు. కానీ మీరు గాడి తప్పుతున్నారు. మీరు పార్టీ పెట్టినప్పుడు మంచి యువకుడు వస్తున్నాడు అని సంతోష పడ్డాం. ఇప్పుడు మీ వైఖరితో విసిగిపోతున్నాం అని తమ్మారెడ్డి చేసిన సంచలన వ్యాఖ్యలు దుమారం రేపుతున్నాయి. 

తమ్మారెడ్డి కామెంట్స్ పై పవన్ అభిమానులు కూడా అదే స్థాయిలో కౌంటర్ ఇస్తున్నారు. టాలీవుడ్ సర్కిల్స్ లో కూడా తమ్మారెడ్డి కామెంట్స్ గురించి హాట్ హాట్ డిస్కషన్ జరుగుతోంది.