Tamannaah Bollywood Career: అందుకే బాలీవుడ్ లో క్లిక్ అవ్వలేదు, తమన్నా షాకింగ్ కామెంట్స్

బాలీవుడ్ లో తన ఫిల్మ్ కెరీర్ గురించి స్పందించింది సీనియర్ స్టార్ హీరోయిన్ తమన్నా. బీటౌన్ లో తన కెరీర్ ఎందుకు ముందుకు వెళ్ళడంలేదో చెబుతూ బాధపడింది. ఇంతకీ మిల్క్ బ్యూటీ ఏమన్నది.   

సౌత్ లో చిన్న హీరోలతో కెరీర్ స్టార్ట్ చేసి.. స్టార్ హీరోల సరసన అవకాశాలు కొట్టేసి.. స్టార్ హీరోయిన్ గా వెలుగు వెలిగింది తమన్నా. చిన్నగా అవకాశాలు తగ్గుతున్న టైమ లో డిఫరెంట్ గా కథలను ఎంపిక చేసుకుంటూ.. సినిమాలలోవేరియేషన్ చూపిస్తోంది తమ్ము. 

ఇక సౌత్ లో స్టార్ ఇమేజ్ సాధించిన తమన్నా... బాలీవుడ్ లో కూడా పాగా వేయడానికి ట్రై చేసింది. చాలామంది హీరోయిన్ల మాదిరిగానే అక్కడ కూడా తన ఇమేజ్ ను పెంచుకోవడం కోసం ట్రై చేసింది. అయితే బాలీవుడ్ లో క్లిక్ అవ్వలేకపోయింది మిల్క్ బ్యూటీ.

బాలీవుడ్ లో అజయ్ దేవగణ్ లాంటి స్టార్ హీరో సరసన చేసినా.. ఆమెకు ఉపయోగం లేకుండా పోయింది. ఎక్కువగా అవకాశాలు పొందలేకపోయింది బ్యూటీ. ఈ విషయం గురించి రీసెంట్ గా స్పందించింద తమన్నా. ఎందుకు బాలీవుడ్ లో తను నిలబడలేక పోయిందో వివరించింది. 

తమన్నా హిందీలో కూడా ఎంట్రీ ఇచ్చినా ప్ర‌స్తుతం ఎక్కువ‌గా సౌత్ సినిమాల‌పైనే ఫోక‌స్ పెడుతోంది. ప్ర‌తిష్టాత్మ‌క ఫిలిం ఫెస్టివ‌ల్‌ కేన్స్ కు తొలిసారి హాజ‌రై సంద‌డి చేసింది తమన్నా. ద‌క్షిణాదితో పోలిస్తే హిందీలో కెరీర్ అంతగా క్లిక్ కాలేద‌న్న ప్ర‌శ్న‌కు త‌మ‌న్నా స్పందించింది.

బాలీవుడ్ హీరో అజ‌య్ దేవ్‌గ‌న్‌తో హిమ్మ‌త్ వాలా  సినిమా చేసిన‌పుడు ఆ ప్రాజెక్టు హాట్ కేక్‌లా ఉండేది. కానీ రిలీజ్ అయిన తరువాత ఆ మూవీ ప్లాప్‌గా నిలిచింది. దాంతొ హిందీ  నుంచి మంచి ఆఫ‌ర్లు రావ‌డం లేదు. చేసిన త‌ప్పుల నుంచి తాను గుణ‌పాఠం నేర్చుకున్నాన‌ని, ఇపుడు చాలా జాగ్ర‌త్త‌గా సినిమాలు ఎంపిక చేస్తున్నాన‌ని చెప్పింది త‌మ‌న్నా. 

బాలీవుడ్‌లో సౌత్ సినిమాలు బాగా ఆడుతున్నాయ‌ని, సౌత్ సినిమాల‌పై  అక్కడ ఎలాంటి కంప్లెయింట్స్ లేవ‌ని అంటోంది స్టార్ హీరోయిన్. అందుకే సౌత్ సినిమాలో చేయడం గర్వంగా ఫీల్ అవుతున్నట్టు తమన్నా అంటోంది. అంతే కాదు టాలీవుడ్ లో వరుసగా సినిమాలు చేస్తోంది సీనియర్ బ్యూటీ. 

త‌మ‌న్నా ప్ర‌స్తుతం తెలుగులో ఎఫ్ 3, గుర్తుందా సీతాకాలం సినిమాలు చేస్తోంది. హిందీలో బోలే చుడియాన్‌, బ‌బ్లీ బౌన్స‌ర్, ప్లాన్ ఏ ప్లాన్ బీ మూవీస్ లో  న‌టిస్తుంది. అంతే కాదు తెలుగులో మెగాస్టార్ చిరంజీవి న‌టిస్తోన్న భోళా శంక‌ర్‌లో కీ రోల్ పోషిస్తోంది. రీసెంట్ గా వరుణ్ తేజ్ న‌టించిన గ‌ని సినిమాలో స్పెష‌ల్ సాంగ్‌లో మెరిసింది మిల్కీ బ్యూటీ.