కృష్ణ సతీమణి మరణించినప్పుడు విజయశాంతి ఎందుకు అంతలా ఏడ్చారో తెలుసా..ఈ అమ్మాయి వద్దు అని రిజెక్ట్ చేస్తే..

టాలీవుడ్ లో లేడీ సూపర్ స్టార్ గా విజయశాంతి చాలా కాలం వెలుగు వెలిగింది. స్టార్ హీరోలతో సమానంగా క్రేజ్ సొంతం చేసుకుంది. లేడీ ఓరియెంటెడ్ చిత్రాలతో మొదట టాలీవుడ్ లో సంచలనం సృష్టించింది విజయశాంతినే. 1980లో విజయశాంతి హీరోయిన్ గా ఎంట్రీ ఇచ్చింది. విజయశాంతి కేవలం 14 ఏళ్ళ టీనేజ్ లోనే హీరోయిన్ గా ఛాన్స్ దక్కించుకుంది. 

సూపర్ స్టార్ కృష్ణ నటించిన ఖిలాడీ కృష్ణుడు చిత్రంలో విజయశాంతి హీరోయిన్ గా నటించింది. విజయశాంతి 14 ఏళ్ళ చిన్న పిల్ల కావడంతో కృష్ణ ముందుగా రిజెక్ట్ చేశారట. ఈ చిత్రానికి డైరెక్టర్ ఎవరో కాదు.. కృష్ణ సతీమణి విజయ నిర్మల. ఆమె దర్శకత్వంలోనే ఈ చిత్రం తెరకెక్కింది. ఏ అమ్మాయి మరీ చిన్న పిల్లలా ఉంది.. నా కూతురిలా అనిపిస్తోంది.. హీరోయిన్ గా వద్దు అని కృష్ణ అన్నారట. 

దీనితో విజయనిర్మల.. ఏమి కాదులెండి నేను చూసుకుంటాను.. ఆ అమ్మాయి ఫ్యూచర్ లో పెద్ద స్టార్ అవుతుంది చూడండి అని విజయనిర్మల ప్రోత్సహించారు అట. ఈ విషయాన్నీ విజయశాంతి ఓ ఇంటర్వ్యూలో గుర్తు చేసుకున్నారు. ఆ తర్వాత విజయశాంతి.. కృష్ణతో కలసి అనేక చిత్రాల్లో నటించారు. 

బిగినింగ్ లో తనని అంతలా ప్రోత్సహించిన విజయ నిర్మల గారిని తాను ఎప్పటికీ మరచిపోలేను అని ఆమె తెలిపారు. విజయనిర్మలగారు మరణించినప్పుడు ఏడుపు ఆపుకోలేకపోయా. కన్నీటి పర్యంతం అయినట్లు విజయశాంతి తెలిపారు. అలాగే దాసరి నారాయణ రావు గారు కూడా నాకు గురు సమానులు. ఆయన మరణించినప్పుడు కూడా తట్టుకోలేకపోయా. 

విజయశాంతి చివరగా మహేష్ బాబు సరిలేరు నీకెవ్వరు చిత్రంలో కీలక పాత్రలో నటించారు. చాలా ఏళ్ళ తర్వాత విజయశాంతి ఈ మూవీతో రీ ఎంట్రీ ఇచ్చారు. ప్రస్తుతం విజయశాంతి కళ్యాణ్ రామ్ చిత్రంలో పోలీస్ అధికారిగా నటిస్తున్నారు.