పట్టుకున్న చేయి వదల్లేదు, సుకుమార్ ని కాకా పట్టిన క్రేజీ బ్యూటీ.. ఇండియా, పాక్ మ్యాచ్ లో అరుదైన దృశ్యం

ఛాంపియన్స్ ట్రోఫీలో టీమిండియా చిరకాల ప్రత్యర్థి పాకిస్తాన్ పై పూర్తి ఆధిపత్యం ప్రదర్శిస్తూ అద్భుత విజయం సాధించింది. ఈ మ్యాచ్ ని వీక్షించేందుకు స్టేడియంలో సినీ రాజకీయ ప్రముఖులు సందడి చేశారు. పుష్ప డైరెక్టర్ సుకుమార్, ఐటెం బ్యూటీ ఊర్వశి రౌతేలా కూడా స్టేడియంలో సందడి చేశారు. 

Urvashi Rautela

ఛాంపియన్స్ ట్రోఫీలో టీమిండియా చిరకాల ప్రత్యర్థి పాకిస్తాన్ పై పూర్తి ఆధిపత్యం ప్రదర్శిస్తూ అద్భుత విజయం సాధించింది. ఈ మ్యాచ్ ని వీక్షించేందుకు స్టేడియంలో సినీ రాజకీయ ప్రముఖులు సందడి చేశారు. తన వివాహ వార్షికోత్సవంలో భాగంగా దుబాయ్ వెళ్లిన మెగాస్టార్ చిరంజీవి పనిలోపనిగా ఇండియా పాక్ మ్యాచ్ ని స్టేడియంలో చూశారు. విఐపి గ్యాలరీలో మెగాస్టార్ చిరంజీవి కనిపించి ఫ్యాన్స్ అని అలరించారు. 

పుష్ప డైరెక్టర్ సుకుమార్, ఐటెం బ్యూటీ ఊర్వశి రౌతేలా కూడా స్టేడియంలో సందడి చేశారు. నారా లోకేష్ కూడా దుబాయ్ వెళ్లి మ్యాచ్ చూసినట్లు తెలుస్తోంది. అయితే చిరంజీవి కెమెరా మెన్లు చాలా సార్లు ఫోకస్ చేశారు. చిరంజీవి కనిపించిన ప్రతి సారీ కామెంటేటర్లు కూడా జోరు ప్రదర్శించారు. ఇండియా పాక్ మ్యాచ్ లో ఇలా అరుదైన దృశ్యాలు చాలా కనిపించాయి. 

డాకు మహారాజ్ చిత్రంలో దబిడి దిబిడి ఐటెం సాంగ్ తో ఊర్వశి రౌతేలా చేసిన హంగామా అంతా ఇంతా కాదు. సౌత్ లో ఆమె పేరు బాగా వినిపిస్తోంది. సౌత్ చిత్రాలపై ఊర్వశి రౌతేలా ఫోకస్ ఎక్కువగా పెట్టింది. వాల్తేరు వీరయ్య, బ్రో, డాకు మహారాజ్ చిత్రాల్లో ఊర్వశి ఐటెం సాంగ్స్ చేసింది. 

పుష్ప 2 చిత్రంతో సుకుమార్ పాన్ ఇండియా స్థాయిలో తిరుగులేని డైరెక్టర్ గా మారిపోయారు. అలాంటి దర్శకుడి చిత్రంలో నటించాలని ఏ హీరోయిన్ కి ఉండదు ? అందుకేనేమో విఐపి గ్యాలరీలో సుకుమార్ కనిపించగానే ఊర్వశి రౌతేలా ఆయన వద్దకి వెళ్ళింది. సుకుమార్ చేయి పట్టుకుని వదల్లేదు. ఆ దృశ్యాలని సోషల్ మీడియాలో ఊర్వశి షేర్ చేసింది. సుకుమార్ ని ఆమె బాగా కాకా పట్టినట్లు కనిపిస్తోంది. 

ఊర్వశి ఈ వీడియో షేర్ చేస్తూ సుకుమార్ పై ప్రశంసలు కురిపించింది. సుకుమార్ గారు మీరు సాధించిన విజయాలకు శుభాకాంక్షలు. మీ మేధస్సు, డెడికేషన్ మమ్మల్ని ఎంతగానో ఇన్స్ పైర్ చేస్తున్నాయి. మేమంతా మిమ్మల్ని ఎంతగానో అభిమానిస్తున్నాం అని పేర్కొంది. సుకుమార్ సినిమా అంటే ఐటెం సాంగ్ ఉండాల్సిందే. ఊర్వశి రౌతేలా ఐటెం సాంగ్స్ తో పాపులర్ అయింది. మరి సుకుమార్ భవిష్యత్తులో తన చిత్రాల్లో ఊర్వశికి ఛాన్స్ ఇస్తాడేమో చూడాలి.